7. Acinteyyasuttavaṇṇanā
77. Sattame acinteyyānīti cintetuṃ ayuttāni .
Na cintetabbānīti acinteyyattāyeva na cintetabbāni .
Yāni cintentoti yāni kāraṇāni cintento .
Ummādassāti ummattakabhāvassa .
Vighātassāti dukkhassa .
Buddhavisayoti buddhānaṃ visayo , sabbaññutaññāṇādīnaṃ buddhaguṇānaṃ pavatti ca ānubhāvo ca .
Jhānavisayoti abhiññājhānavisayo .
Kammavipākoti
P3.109 diṭṭhadhammavedanīyādīnaṃ kammānaṃ vipāko .Lokacintāti ‘‘ kena nu kho candimasūriyā katā , kena mahāpathavī , kena mahāsamuddo , kena sattā uppāditā , kena pabbatā , kena ambatālanāḷikerādayo ’’ ti evarūpā lokacintā .