7. Ārakkhasuttavaṇṇanā
117. Sattame attarūpenāti attano anurūpena anucchavikena , hitakāmenāti attho .
Rajanīyesūti
V2.326 rāgassa paccayabhūtesu .
Dhammesūti sabhāvesu , iṭṭhārammaṇesūti attho .
Evaṃ sabbattha nayo veditabbo .Na rajjatīti diṭṭhivasena na rajjati .
Sesapadesupi eseva nayo .
Na ca pana samaṇavacanahetupi gacchatīti samaṇānaṃ paravādīnaṃ vacanahetupi attano diṭṭhiṃ pahāya tesaṃ diṭṭhivasena na gacchatīti attho .
Idhāpi khīṇāsavova adhippeto .