156. Chaṭṭhe saṃvaṭṭatīti ettha tayo saṃvaṭṭā āposaṃvaṭṭo , tejosaṃvaṭṭo , vāyosaṃvaṭṭoti . Tisso saṃvaṭṭasīmā ābhassarā , subhakiṇhā , vehapphalāti . Yadā kappo tejena saṃvaṭṭati , ābhassarato heṭṭhā agginā ḍayhati . Yadā āpena saṃvaṭṭati , subhakiṇhato heṭṭhā udakena vilīyati . Yadā vātenaP3.135 saṃvaṭṭati , vehapphalato heṭṭhā vātena viddhaṃsati . Vitthārato pana sadāpi ekaṃ buddhakkhettaṃ vinassati . Ayamettha saṅkhepo , vitthārakathā pana visuddhimagge ( visuddhi .2.403-404 ādayo ) vuttanayeneva veditabbā .