3. Padhānasuttavaṇṇanā
13. Tatiye
M2.260 sammappadhānānīti sundarapadhānāni uttamavīriyāni .Sammappadhānāti paripuṇṇavīriyā .
Māradheyyābhibhūtāti tebhūmakavaṭṭasaṅkhātaṃ māradheyyaṃ abhibhavitvā samatikkamitvā ṭhitā .
Te asitāti te khīṇāsavā anissitā nāma .
Jātimaraṇabhayassāti jātiñca maraṇañca paṭicca uppajjanakabhayassa , jātimaraṇasaṅkhātasseva vā bhayassa .
Pāragūti pāraṅgatā .
Te tusitāti te khīṇāsavā tuṭṭhā nāma .
Jetvā māraṃ savāhinin ti sasenakaṃ māraṃ jinitvā ṭhitā .
Te
P3.19 anejāti te khīṇāsavā taṇhāsaṅkhātāya ejāya anejā niccalā nāma .Namucibalan ti mārabalaṃ .
Upātivattāti atikkantā .
Te sukhitāti te khīṇāsavā lokuttarasukhena sukhitā nāma .
Tenevāha –
‘‘ Sukhitā vata arahanto , taṇhā nesaṃ na vijjati ;
Asmimāno samucchinno , mohajālaṃ padālitan ’’ ti .( saṃ . ni .3.76);