1. Saṃkhittasuttavaṇṇanā
232. Catutthassa
V2.388 paṭhame kaṇhan ti kāḷakaṃ dasaakusalakammapathakammaṃ .Kaṇhavipākan ti apāye nibbattanato kāḷakavipākaṃ .
Sukkan ti paṇḍarakaṃ kusalakammapathakammaṃ
M2.391 .
Sukkavipākan ti sagge nibbattanato paṇḍarakavipākaṃ .Kaṇhasukkan ti missakakammaṃ .
Kaṇhasukkavipākan ti
P3.212 sukhadukkhavipākaṃ .
Missakakammañhi katvā akusalena tiracchānayoniyaṃ maṅgalahatthiṭṭhānādīsu uppanno kusalena pavatte sukhaṃ vediyati .
Kusalena rājakulepi nibbatto akusalena pavatte dukkhaṃ vediyati .Akaṇhaṃ asukkan ti kammakkhayakaraṃ catumaggañāṇaṃ adhippetaṃ .
Tañhi yadi kaṇhaṃ bhaveyya , kaṇhavipākaṃ dadeyya .
Yadi sukkaṃ bhaveyya , sukkavipākaṃ dadeyya .
Ubhayavipākassa pana appadānato akaṇhaṃ asukkanti ayamettha attho .