1133. ĀmakadhaññapeyyāleM3.334 ariyena paññācakkhunāti vipassanaṃ ādiṃ katvā lokiyalokuttarena ñāṇacakkhunā .

4. Surāmerayasuttavaṇṇanā

1134. Surāmerayamajjappamādaṭṭhānā paṭiviratāti ettha surā nāma piṭṭhasurā , odanasurā , pūvasurā , kiṇṇapakkhittā , sambhārasaṃyuttāti pañcavidhā . Merayaṃ nāma pupphāsavo , phalāsavoti , evaṃ vutto yo koci āsavo . Majjan ti tadeva ubhayaṃ , yaṃ vā panaññampi surāsavavinimuttaṃ madanīyaṃ . Yāya cetanāya taṃ pivanti , sā pamādassa kāraṇattā pamādaṭṭhānaṃ nāma , tato paṭiviratāti attho .

6-7. Matteyyasuttādivaṇṇanā

1140. Kule jeṭṭhāpacāyinoti kule jeṭṭhānaṃ apacāyino , nīcavuttinoti attho .