4. Navasuttavaṇṇanā
238. Abhicetasi nissitā ābhicetasikā .
Paṭipakkhavidhamanena abhivisiṭṭhaṃ cittaṃ abhicittaṃ .
Yasmā jhānānaṃ taṃsampayuttaṃ cittaṃ nissāya paccayo hotiyeva , tasmā ‘‘ nissitānan ’’ ti vuttaṃ .
Nikāmalābhīti yathicchitalābhī
M2.196 .Yathāparicchedenāti yathākatena kālaparicchedena .
Vipulalābhīti appamāṇalābhī .
‘‘ Kasiran ’’ ti hi parittaṃ vuccati , tappaṭipakkhena
V2.174 akasiraṃ appamāṇaṃ .
Tenāha ‘‘ paguṇajjhānoti attho ’’ ti .Sithilamārabbhāti sithilaṃ vīriyārambhaṃ katvāti atthoti āha ‘‘ sithilaṃ vīriyaṃ pavattetvā ’’ ti .