7. Visākhasuttavaṇṇanā
241. Purassa
M2.197 esāti porī , cāturiyayuttatā .
Tenāha ‘‘ puravāsīnan ’’ tiādi .
Sā panaV2.175 dutavilambitakhalitavasena appasannalūkhatādidosarahitā hotīti āha ‘‘ pura … pe … vācāyā ’’ ti .Asandiddhāyāti muttavācāya .
Tenāha ‘‘ apalibuddhāyā ’’ tiādi .
Na elaṃ dosaṃ galetīti anelagalā , avirujjhanavācā .
Tenāha ‘‘ niddosāyā ’’ ti .
Catusaccassa pakāsakā , na kadāci saccavimuttāti āha ‘‘ catusaccapariyāpannāyā ’’ ti .
Tā hi cattāri saccāni paricchijja āpādenti paṭipādenti pavattenti .
Tenāha ‘‘ cattāri saccāni amuñcitvā pavattāyā ’’ ti .
Dhajo nāma sabbadhammehi samussitaṭṭhena .