ဘိက္ခဝေ၊ တို့။ ယေ ဟိ ကေစိ၊ အကြင် သူတို့ကို။ အနုကမ္ပေယျာထ၊ အစဉ်သနား စောင့်ရှောက်လိုကုန်ငြားအံ့။ မိတ္တာ ဝါ၊ အာမိသသုံးရန် တဦးအိမ်၌ တဦးကို ခေါ်ဖိတ်သည့် မိတ်ဆွေလည်းဖြစ်ကုန်သော။ အမစ္စာ ဝါ၊ ခေါ်ဝေါ်ပြောဆို နေထိုင်သွားလာ အရာရာကိစ္စ အတူတကွဖြစ်နေသည့် မိတ်ဆွေလည်းဖြစ်ကုန်သော။ ဉာတီ ဝါ၊ လက်ထပ်ထိမ်းမြား သွေးသား ရောရှက် ယောက္ခမဘက်တိုး ဆွေမျိုးလည်းဖြစ်ကုန်သော။ သာလောဟိတာ ဝါ၊ သွေးတူ သားချင်းလည်းဖြစ်ကုန်သော။ ဝါ၊ ယောနိဆက်သွယ် သွေးနွှယ်မကင်း တအူတုံဆင်းလည်းဖြစ်ကုန်သော။ ယေ စ၊ အကြင်သူတို့သည်လည်း။ သောတဗ္ဗ၊ နားထောင်ထိုက်၏ ဟူ၍။ မညေယျုံ၊ မှတ်ထင်ကုန်ငြားအံ့။ ဘိက္ခဝေ၊ တို့။ ဝေါ၊ သင်ချစ်သားတို့သည်။ တေ၊ ထိုသူတို့ကို။ (စာပိုဒ် ၁၀၁၂- ပဌမ မိတ္တာမစ္စသုတ်၌ – ဝေါ သဒ္ဒါမပါ၊ ဤနှင့်အလားတူပင်။) စတုန္နံ၊ ၄-ပါးကုန်သော။ အရိယသစ္စာနံ၊ အရိယသစ္စာတို့ကို။ ယထာဘူတံ၊ ဟုတ်မှန်သည့်အတိုင်း။ အဘိသမယာယ၊ ထိုးထွင်း၍ သိခြင်းငှါ။ သမာဒပေတဗ္ဗာ၊ ဆောက်တည်စေအပ် တိုက်တွန်းအပ်ကုန်၏။ နိဝေသေတဗ္ဗာ၊ သက်ဝင်၍နေစေအပ်ကုန်၍။ ပတိဋ္ဌာပေတဗ္ဗာ၊ တည်စေအပ်ကုန်၏။

ကတမေသံ စတုန္နံ၊ အဘယ် ၄-ပါးတို့ကိုနည်း။

ဒုက္ခဿ၊ ဆင်းရဲအစစ်ဖြစ်သော။ အရိယသစ္စာ၊ အရိယသစ္စာကို၎င်း။ ဒုက္ခသမုဒယာ အရိယသစ္စာ၊ သမုဒယ အရိယသစ္စာကို၎င်း။ ဒုက္ခနိရောဓဿ အရိယသစ္စဿ၊ နိရောဓ အရိယသစ္စာကို၎င်း။ ဒုက္ခနိရောဓဂါမိနိယာ ပဋိပဒါယ အရိယသစ္စဿ၊ မဂ္ဂအရိယသစ္စာကို၎င်းတည်း။

(အကြွင်း နိဒါန်းနှင့် တူ၏။တသ္မာတိယ စသည် ပေးလေ။)

ဆဋ္ဌံ၊ ခြောက်ခုမြောက်သောသုတ်တည်း။