အတ္တမနော၊ မိမိစိတ်ရှိသည်။ ပမုဒိတော၊ ကောင်းစွာဖြစ်သော ဝမ်းမြောက်ခြင်း ရှိသည်။ ပီတိသောမနဿဇာတော၊ ဖြစ်သောအားကြီးသော နှစ်သက်ဝမ်းမြောက်ခြင်း ရှိသည်။ အဟောသိ၊ ဖြစ်ပြီ။

အတ္တမနော (မိမိစိတ်)

ကောလိယအမျိုးသားသည် မဟိဒ္ဓိက မဟာနုဘာဝကို အကြောင်းပြု၍ ဘုရားအား သဒ္ဓါပြဓာန်းသော ကုသိုလ်တွေဖြစ်နေသည်။ထိုကုသိုလ်စိတ်သည် ကိလေသာအညစ်အကြေးကင်းသဖြင့် ကောင်းကျိုးကိုသာ ပေးမည်။မကောင်းကျိုး မပေးပေ။ကောင်းကျိုးပေးမည့်စိတ်သာ ကောလိယအမျိုးသား၏စိတ်ဟုဆိုသင့်ဆိုနိုင်သည်။အကယ်၍ ကိလေသပရိယုဋ္ဌိတစိတ် ဖြစ်ခဲ့သော် ကောင်းကျိုးမပေးပဲ ဆိုးကျိုးကိုသာ ပေးလိမ့်မည်။ဆိုးကျိုးပေးခဲ့သော် ကိုယ်ကချမ်းသာချင် အသက်ရှည်ကျန်းမာချင်ပေမယ့် ကို့စိတ်က ကိုယ့်အလိုကျ မဖြစ်စေဘဲ ဆင်းရဲစေ အသက်တို၍ မကျန်းမမာဖြစ်စေမည်ဆိုလျှင် မိမိ၏စိတ်ဟု ဘယ်နည်းနှင့်မျှ မယူဆသင့်ချေ။အတ္တမနောတိ သကမနော၊ဘဂဝတိ ပသာဒေန ကိလေသ ရဟိတစိတ္တောတိ အတ္ထော။ကိလေသပရိယုဋ္ဌိတံ ဟိ စိတ္တံ ဝသေ အဝတ္တနတော အတ္တမနောတိ န သက္ကာ ဝတ္တုန္တိ။ဋ္ဌ၊ ၁၃၈။တစ်နည်း-အတ္တမနောတိ ဝါ ပီတိသော မနဿေဟိ ဂဟိတမနော- ဟူသော ဋ္ဌ-အလို အာပုဗ္ဗ ဒါ-ဓာတ် က-ပစ္စည်းဖြင့်ပြီးသော အတ္တသဒ္ဒါဖြစ်သောကြောင့် ပီတိသောမနဿတို့သည် ယူအပ်သော စိတ်ရှိသော ကောလိယအမျိုးသားဟု အဓိပ္ပါယ်တစ်မျိုးပြောင်းသွား သည်။ပမုဒိတော-ကိုလည်း ပုပ္ဖိတော ဖလိတော ပုဒ်တို့ကဲ့သို့ ပမုဒံ, ပမောဒံ+သဉ္ဇာတံ အဿာတိ ပမုဒိတော ဟုပြု။ 'ပမုဒိတော' က တရုဏပီတိသောမနဿ။'ပီတိသောမနဿဇာတော'က ဗလဝ ပတိသောမနဿ-ထူး၏။