ဧဝံဝါဒိနော၊ ဤသို့ ဟောပြောလေ့ရှိကုန်သော။ ဧဝံဒိဋ္ဌိနော၊ ဤသို့အယူ ရှိကုန်သော။ ဧကေ သမဏဗြာဟ္မဏာ၊ အချို့သော သမဏဗြာဟ္မဏ တို့သည်။ သန္တိ၊ ကုန်၏။

"အန္တဂ္ဂါဟိကဒိဋ္ဌိ ၁၀-ပါး" ၁။ သဿတော လောကော, လုဇ္ဇတိ ပလုဇ္ဇတိ ပလုဇ္ဇတီတိ လောကေဟူသည်နှင့်အညီ ခန္ဓာငါးပါးသည် လောကမည်၏။ထိုခန္ဓာငါးပါးတည်းဟူသော လောကသည် အဆက်မပြတ်ဖြစ်နေ ရှိနေသောကြောင့် မြဲသည်ဟု အချို့ယူဆ၏။ထိုသို့ ယူဆခြင်းသည် သဿတဒိဋ္ဌိ-တည်း။

၂။ အသဿတော လောကေ-ခန္ဓာတည်းဟူသော လောကသည် အဆက်မပြတ်ဖြစ်ခြင်း မရှိဟု အချို့က ယူဆ၏။ထိုအယူဝါဒသည် ဥစ္ဆေဒ ဒိဋ္ဌိတည်း။

၃။ အန္တဝါလောကေ သမာပတ်ဝင်စားသော သမာပတ္တိသမာပန္န ပုဂ္ဂိုလ်သည် သမာပတ်အတွင်း၌ တွေ့မြင်အပ်သော သေးငယ်သော ကသိုဏ်းဝန်းကို အကြောင်းပြု၍ ရုပ်နာမ်ဟူသော လောကသည် အဆုံးအပိုင်းအခြားရှိ၏။သေးငယ်သည့်အတွက် ပိုင်းခြားလို့ရသောကြောင့် အန္တဝါ-ဟု အချို့က ယူဆသည်။ထိုအယူဝါဒသည် သဿတဥစ္ဆေ နှစ်မျိုးလုံး ဖြစ်နိုင်သည်။

၄။ အနန္တဝါ လောကေ- သမာပတ်ဝင်စားစဉ် တွေ့မြင်အပ်သော ကသိုဏ်းဝန်းသည် အလွန်တရာကြီးကျယ်အံ့။ထိုကို အကြောင်းပြု၍ ရုပ်နာမ်လောကသည် အဆုံးအပိုင်းအခြားမရှိ၊ ပိုင်းခြား၍မရ။ဤသို့ယူ၏။ ထိုအယူဝ်ဒသည် သဿတဥစ္ဆေဒ နှစ်မျိုးလုံး ဖြစ်နိုင်သည်။