တေန ခေါ ပန သမယေန၊ ထိုအခါ၌။ သမ္ဗဟုလာ၊ များစွာကုန်သော။ ဇဋိလာ၊ ရသေ့တို့သည်။ သီတာသု၊ ချမ်းအေးကုန်သော။ ဟေမန္တိကာသု၊ ဆောင်းဥတုအပါအဝင် ဖြစ်ကုန်သော။ ရတ္တီသု၊ ညဉ့်တို့၌။ အန္တရဋ္ဌကေ၊ တပို့တွဲလဆုတ် ၁၁-ရက်မှ တပေါင်းလဆန်း ၄-ရက်အတွင်း ပေါင်းရှစ်ရက်ဖြစ်သော။ ဟိမပါတသမယေ၊ ဆီးနှင်းကျရာ အချိန်အခါ၌။ ဧဝံ ဒိဋ္ဌိကာ၊ ဤသို့အယူရှိကြသည်။ ဟုတွာ၊ ဖြစ်၍။ ဂယာယံ၊ ဂယာရွာ အနီး၌။ ဝါ၊ ဂယာရွာအနီးရှိ ‌ရေကန်ရေဆိပ် မြစ်ရေဆိပ်၌။ ဥမ္မုဇ္ဇန္တိပိ၊ ကိုယ်ကိုရေ့အထက်သို့ ပေါ်အောင် ဖော်လည်းဖော်ကြကုန်၏။ နိမုဇ္ဇန္တိပိ၊ ကိုယ်ကိုရေ့အောက်သို့ မြှုပ်အောင် မြှုပ်လည်းမြှုပ်ကြ,ငုပ်လည်းငုပ်ကြကုန်၏။ ဥမ္မုဇ္ဇနိမုဇ္ဇမ္ပိ၊ ရေပေါ်ဖော်ခြင်း ရေ့အောက် မြှုပ်ခြင်းငုပ်ခြင်းနှင့် နှစ်မျိုးလုံးကို-လည်း။ ကရောန္တိ၊ ပြုလုပ်ကြကုန်၏။ သြသိဉ္စန္တိပိ၊ လက်ဖြင့် ရေကို ယူ၍ခေါင်းပေါ်ကိုယ်ပေါ်သို့ သွန်းလောင်းလည်း သွန်းလောင်းကြ ကုန်၏။ အဂ္ဂမ္ပိ ဇုဟန္တိ၊ မီးကိုလည်းပူဇော်ကြကုန်၏။ ဝါ၊ မီးကိုလည်း လုပ်ကျွေးကြကုန်၏။

ဂယာယံ

ဂယာ-သည် ဂါမ-နှင့် တိတ္ထ နှစ်မျိုးဟော။ဂါမ-ဟောလျှင် သမီပတ္ထေဘုမ္မံ-နှင့်အညီ ဂယာရွာအနီး အရပ်ကိုယူ။တိတ္ထ-ကိုဟောလျှင် ဂယာရွာအနီးရှိရေကန်၏ရေဆိပ် မြစ်၏မြစ်ဆိပ်အရပ်ကိုယူ။ဂယာရွာ၏အနီးအရပ်,ရေဆိပ်ဆိုသော်လည်း ဆင်ဦးခေါင်းနှင့်တူသော အထွတ်ရှိသောတောင်၊ထိုတောင်၏ တစ်စိတ်တစ်ဒေသဖြစ်သော ဆင်ဦးကင်းနှင့်တူသော သံဃာတစ်ထောင်ဆံ့သော ကျောက်ဖျာထက်၌ ဘုရားရှင် သီတင်းသုံးတော်မူသည်ဟု ဆိုလိုသည်။