15. Uttarātherīgāthāvaṇṇanā
Kāyena saṃvutā āsin ti uttarāya theriyā gāthā .
Tassāpi vatthu tissātheriyā vatthusadisaṃ .
Sāpi hi sakyakulappasutā bodhisattassa orodhabhūtā mahāpajāpatigotamiyā saddhiṃ nikkhantā obhāsagāthāya arahattaṃ patvā pana –
15.
–
‘‘ Kāyena
V0.23 saṃvutā āsiṃ , vācāya uda cetasā ;
Udānavasena tameva gāthaṃ abhāsi .
Tattha kāyena saṃvutā āsin ti kāyikena saṃvarena saṃvutā ahosiṃ .
Vācāyāti vācasikena saṃvarena saṃvutā āsinti yojanā , padadvayenāpi sīlasaṃvaramāha .
Udāti atha .
Cetasāti samādhicittena , etena vipassanābhāvanamāha .
Samūlaṃ taṇhamabbuyhāti sānusayaṃ , saha vā avijjāya taṇhaṃ uddharitvā .
Avijjāya hi paṭicchāditādīnave bhavattaye taṇhā uppajjati .
Aparo nayo – kāyena saṃvutāti sammākammantena sabbasoP0.22 micchākammantassa pahānā maggasaṃvareneva kāyena saṃvutā āsiṃ .
Vācāyāti sammāvācāya sabbaso micchāvācāya pahānā maggasaṃvareneva vācāya saṃvutā āsinti attho .
Cetasāti samādhinā .
CetosīsenaM0.23 hettha sammāsamādhi vutto , sammāsamādhiggahaṇeneva maggalakkhaṇena ekalakkhaṇā sammādiṭṭhiādayo maggadhammā gahitāva hontīti , maggasaṃvarena abhijjhādikassa asaṃvarassa anavasesato pahānaṃ dassitaṃ hoti .
Tenevāha ‘‘ samūlaṃ taṇhamabbuyhā ’’ ti .
Sītibhūtāmhi nibbutāti sabbaso kilesapariḷāhābhāvena sītibhāvappattā anupādisesāya nibbānadhātuyā nibbutā amhīti .Samūlaṃ taṇhamabbuyha , sītibhūtāmhi nibbutā ’’ ti .
Uttarātherīgāthāvaṇṇanā niṭṭhitā .