271.

‘‘ SamaṇātiV0.240 bhoti supi , samaṇāti pabujjhasi ;

Samaṇāneva kittesi , samaṇī nūna bhavissasi .

272.

‘‘ Vipulaṃ annañca pānañca , samaṇānaṃ pavecchasi ;

Rohinī dāni pucchāmi , kena te samaṇā piyā .

273.

‘‘ Akammakāmā alasā , paradattūpajīvino ;

Āsaṃsukā sādukāmā , kena te samaṇā piyā .

274.

‘‘ Cirassaṃ vata maṃ tāta , samaṇānaṃ paripucchasi ;

Tesaṃ te kittayissāmi , paññāsīlaparakkamaṃ .

275.

‘‘ Kammakāmā analasā , kammaseṭṭhassa kārakā ;

Rāgaṃ dosaṃ pajahanti , tena me samaṇā piyā .

276.

‘‘ Tīṇi pāpassa mūlāni , dhunanti sucikārino ;

Sabbaṃ pāpaṃ pahīnesaṃ , tena me samaṇā piyā .

277.

‘‘ KāyakammaṃM0.224 suci nesaṃ , vacīkammañca tādisaṃ ;

Manokammaṃ suci nesaṃ , tena me samaṇā piyā .

278.

‘‘ VimalāP0.216 saṅkhamuttāva , suddhā santarabāhirā ;

Puṇṇā sukkāna dhammānaṃ , tena me samaṇā piyā .

279.

‘‘ Bahussutā dhammadharā , ariyā dhammajīvino ;

Atthaṃ dhammañca desenti , tena me samaṇā piyā .

280.

‘‘ Bahussutā dhammadharā , ariyā dhammajīvino ;

Ekaggacittā satimanto , tena me samaṇā piyā .

281.

‘‘ DūraṅgamāV0.241 satimanto , mantabhāṇī anuddhatā ;

Dukkhassantaṃ pajānanti , tena me samaṇā piyā .

282.

‘‘ Yasmā gāmā pakkamanti , na vilokenti kiñcanaṃ ;

Anapekkhāva gacchanti , tena me samaṇā piyā .

283.

‘‘ Na te saṃ koṭṭhe openti , na kumbhiṃ na khaḷopiyaṃ ;

Pariniṭṭhitamesānā , tena me samaṇā piyā .

284.

‘‘ Na te hiraññaṃ gaṇhanti , na suvaṇṇaṃ na rūpiyaṃ ;

Paccuppannena yāpenti , tena me samaṇā piyā .

285.

‘‘ Nānākulā pabbajitā , nānājanapadehi ca ;

Aññamaññaṃ pihayanti , tena me samaṇā piyā .

286.

‘‘ Atthāya vata no bhoti , kule jātāsi rohinī ;

Saddhā buddhe ca dhamme ca , saṅghe ca tibbagāravā .

287.

‘‘ Tuvañhetaṃ pajānāsi , puññakkhettaṃ anuttaraṃ ;

Amhampi ete samaṇā , paṭiggaṇhanti dakkhiṇaṃ .

288.

‘‘ Patiṭṭhito hettha yañño , vipulo no bhavissati ;

Sace bhāyasi dukkhassa , sace te dukkhamappiyaṃ .

289.

‘‘ Upehi saraṇaṃ buddhaṃ , dhammaṃ saṅghañca tādinaṃ ;

Samādiyāhi sīlāni , taṃ te atthāya hehiti .

290.

‘‘ UpemiM0.225 saraṇaṃ buddhaṃ , dhammaṃ saṅghañca tādinaṃ ;

Samādiyāmi sīlāni , taṃ me atthāya hehiti .

291.

‘‘ BrahmabandhuV0.242 pure āsiṃ , so idānimhi brāhmaṇo ; Tevijjo sottiyo camhi , vedagū camhi nhātako ’’ ti . – Imā gāthā paccudāhāsi . Tattha ādito tisso gāthā attano dhītu bhikkhūsu sammutiṃ anicchantena vuttā .

Evaṃ brāhmaṇo saraṇesu sīlesu ca patiṭṭhito aparabhāge sañjātasaṃvego pabbajitvā vipassanaṃV0.245 vaḍḍhetvā arahatteP0.220 patiṭṭhāya attano paṭipattiṃ paccavekkhitvā udānento ‘‘ brahmabandhū ’’ ti gāthamāha . Tassattho heṭṭhā vuttoyeva .

Rohinītherīgāthāvaṇṇanā niṭṭhitā .