Upakkileso
58.‘‘ Yathā
V3.30 kathaṃ pana , bhante , bhagavā evaṃ paripuṇṇāya tapojigucchāya anekavihite upakkilese vadatī ’’ ti ?‘‘ Idha , nigrodha , tapassī tapaṃ samādiyati , so tena tapasā attamano hoti paripuṇṇasaṅkappo .
Yampi , nigrodha , tapassī tapaṃ samādiyati , so tena tapasā attamano hoti paripuṇṇasaṅkappo .
Ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī tapaṃ samādiyati , so tena tapasā attānukkaṃseti paraṃ vambheti .
Yampi , nigrodha , tapassī tapaṃ samādiyati , so tena tapasā attānukkaṃseti paraṃ vambheti .
Ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī tapaṃ samādiyati , so tena tapasā majjati mucchati pamādamāpajjati [ madamāpajjati ( syā .)].
Yampi , nigrodha , tapassī tapaṃ samādiyati , so
M3.35 tena tapasā majjati mucchatiP3.43 pamādamāpajjati .Ayampi kho , nigrodha , tapassino upakkileso hoti .
59.‘‘ Puna caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ
T3.45 abhinibbatteti , so tena lābhasakkārasilokena attamano hoti paripuṇṇasaṅkappo .Yampi , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena attamano hoti paripuṇṇasaṅkappo .
Ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena attānukkaṃseti paraṃ vambheti .
Yampi , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena attānukkaṃseti paraṃ vambheti .
Ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena majjati mucchati pamādamāpajjati .
Yampi , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena
V3.31 lābhasakkārasilokena majjati mucchati pamādamāpajjati .Ayampi kho , nigrodha , tapassino upakkileso hoti .
60.‘‘ Puna caparaṃ , nigrodha , tapassī bhojanesu vodāsaṃ āpajjati –
‘ idaṃ me khamati , idaṃ me nakkhamatī ’ ti .
So yañca [ yaṃ hi ( sī . pī .)] khvassa nakkhamati , taṃ sāpekkho pajahati .
Yaṃ panassa khamati , taṃ gadhito [ gathito ( sī . pī .)] mucchito ajjhāpanno anādīnavadassāvī anissaraṇapañño paribhuñjati … pe … ayampi kho , nigrodha , tapassino upakkileso hoti .
‘‘ Puna
P3.44T3.46 caparaṃ , nigrodha , tapassī tapaṃ samādiyati lābhasakkārasilokanikantihetu –‘ sakkarissanti maṃ rājāno rājamahāmattā khattiyā brāhmaṇā
M3.36 gahapatikā titthiyā ’ ti … pe … ayampi kho , nigrodha , tapassino upakkileso hoti . 61.‘‘ Puna caparaṃ , nigrodha , tapassī aññataraṃ samaṇaṃ vā brāhmaṇaṃ vā apasādetā [ apasāretā ( ka .)] hoti –
‘ kiṃ panāyaṃ sambahulājīvo [ bahulājīvo ( sī . pī .)] sabbaṃ saṃbhakkheti .
Seyyathidaṃ – mūlabījaṃ khandhabījaṃ phaḷubījaṃ aggabījaṃ bījabījameva pañcamaṃ , asanivicakkaṃ dantakūṭaṃ , samaṇappavādenā ’ ti … pe … ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī passati aññataraṃ samaṇaṃ vā brāhmaṇaṃ vā kulesu sakkariyamānaṃ garukariyamānaṃ māniyamānaṃ pūjiyamānaṃ .
Disvā tassa evaṃ hoti –
‘ imañhi nāma sambahulājīvaṃ kulesu sakkaronti garuṃ karonti mānenti pūjenti .
Maṃ pana tapassiṃ lūkhājīviṃ kulesu na sakkaronti na garuṃ karonti na mānenti na pūjentī ’ ti , iti so issāmacchariyaṃ kulesu uppādetā hoti … pe … ayampi kho , nigrodha , tapassino upakkileso hoti .
62.‘‘ Puna caparaṃ , nigrodha , tapassī āpāthakanisādī hoti … pe … ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī attānaṃ adassayamāno kulesu carati –
‘ idampi me tapasmiṃ idampi me tapasmin ’ ti … pe … ayampi kho , nigrodha , tapassino upakkileso hoti .
‘‘ Puna
V3.32P3.45 caparaṃ , nigrodha , tapassī kiñcideva paṭicchannaṃ sevati .So ‘ khamati te idan ’ ti puṭṭho samāno akkhamamānaṃ āha –
‘ khamatī ’ ti .
Khamamānaṃ
T3.47 āha –‘ nakkhamatī ’ ti .
Iti so sampajānamusā bhāsitā hoti … pe … ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī tathāgatassa vā tathāgatasāvakassa vā dhammaṃ desentassa santaṃyeva pariyāyaṃ anuññeyyaṃ nānujānāti … pe … ayampi kho , nigrodha , tapassino upakkileso hoti .
63.‘‘ Puna
M3.37 caparaṃ , nigrodha , tapassī kodhano hoti upanāhī .Yampi , nigrodha , tapassī kodhano hoti upanāhī .
Ayampi kho , nigrodha , tapassino upakkileso hoti .
‘‘ Puna caparaṃ , nigrodha , tapassī makkhī hoti paḷāsī [ palāsī ( sī . syā . pī .)]… pe … issukī hoti maccharī … saṭho hoti māyāvī … thaddho hoti atimānī … pāpiccho hoti pāpikānaṃ icchānaṃ vasaṃ gato … micchādiṭṭhiko hoti antaggāhikāya diṭṭhiyā samannāgato … sandiṭṭhiparāmāsī hoti ādhānaggāhī duppaṭinissaggī .
Yampi , nigrodha , tapassī sandiṭṭhiparāmāsī hoti ādhānaggāhī duppaṭinissaggī .
Ayampi kho , nigrodha , tapassino upakkileso hoti .
‘‘ Taṃ kiṃ maññasi , nigrodha , yadime tapojigucchā [ tapojigucchāya (?)] upakkilesā vā anupakkilesā vā ’’ ti ?
‘‘ Addhā kho ime , bhante , tapojigucchā [ tapojigucchāya (?)] upakkilesā [ upakkilesā hoti ( ka .)], no anupakkilesā .
Ṭhānaṃ kho panetaṃ , bhante , vijjati yaṃ idhekacco tapassī sabbeheva imehi upakkilesehi samannāgato assa ;
ko pana vādo aññataraññatarenā ’’ ti .