Mittapatirūpakā
254.‘‘ Cattārome , gahapatiputta , amittā mittapatirūpakā veditabbā .
Aññadatthuharo amitto mittapatirūpako veditabbo , vacīparamo amitto mittapatirūpako veditabbo , anuppiyabhāṇī amitto mittapatirūpako veditabbo , apāyasahāyo amitto mittapatirūpako veditabbo .
255.‘‘ Catūhi kho , gahapatiputta , ṭhānehi aññadatthuharo amitto
P3.186 mittapatirūpako veditabbo .‘‘ Aññadatthuharo hoti , appena bahumicchati
T3.200 ;Bhayassa kiccaṃ karoti , sevati atthakāraṇā .
‘‘ Imehi kho , gahapatiputta , catūhi ṭhānehi aññadatthuharo amitto mittapatirūpako veditabbo .
256.‘‘ Catūhi kho , gahapatiputta , ṭhānehi vacīparamo amitto mittapatirūpako veditabbo .
Atītena paṭisantharati [ paṭisandharati ( ka .)], anāgatena paṭisantharati , niratthakena saṅgaṇhāti , paccuppannesu kiccesu byasanaṃ dasseti .
Imehi kho , gahapatiputta , catūhi ṭhānehi vacīparamo amitto mittapatirūpako veditabbo .
257.‘‘ Catūhi kho , gahapatiputta , ṭhānehi anuppiyabhāṇī amitto mittapatirūpako veditabbo .
Pāpakaṃpissa [ pāpakammaṃpissa ( syā .)] anujānāti , kalyāṇaṃpissa anujānāti , sammukhāssa vaṇṇaṃ bhāsati , parammukhāssa avaṇṇaṃ bhāsati .
Imehi kho , gahapatiputta , catūhi ṭhānehi anuppiyabhāṇī amitto mittapatirūpako veditabbo .
258.‘‘ Catūhi
M3.152 kho , gahapatiputta , ṭhānehi apāyasahāyo amitto mittapatirūpako veditabboV3.142 .Surāmeraya majjappamādaṭṭhānānuyoge sahāyo hoti , vikāla visikhā cariyānuyoge sahāyo hoti , samajjābhicaraṇe sahāyo hoti , jūtappamādaṭṭhānānuyoge sahāyo hoti .
Imehi kho , gahapatiputta , catūhi ṭhānehi apāyasahāyo amitto mittapatirūpako veditabbo ’’ ti .
259. Idamavoca bhagavā , idaṃ vatvāna sugato athāparaṃ etadavoca satthā –
‘‘ Aññadatthuharo
T3.201 mitto , yo ca mitto vacīparo [ vacīparamo ( syā .)];Anuppiyañca yo āha , apāyesu ca yo sakhā .
Ete amitte cattāro , iti viññāya paṇḍito ;
Ārakā parivajjeyya , maggaṃ paṭibhayaṃ yathā ’’ ti .