Brahmacariyaaparipūrādikathā

172.‘‘ Etehi cepi , cunda , aṅgehi samannāgataṃ brahmacariyaṃ hoti , no ca kho satthā hoti thero rattaññū cirapabbajito addhagato vayoanuppatto .

Evaṃ taṃ brahmacariyaṃ aparipūraṃ hoti tenaṅgena .

‘‘ Yato ca kho , cunda , etehi ceva aṅgehi samannāgataṃ brahmacariyaṃ hoti , satthā ca hoti thero rattaññū cirapabbajito addhagato vayoanuppatto .

Evaṃ taṃ brahmacariyaṃ paripūraṃ hoti tenaṅgena .

173.‘‘ Etehi cepi , cunda , aṅgehi samannāgataṃ brahmacariyaṃ hoti , satthā ca hoti thero rattaññū cirapabbajito addhagato vayoanuppattoT3.135 , no ca khvassa therā bhikkhū sāvakā honti viyattā vinītā visāradā pattayogakkhemā .

Alaṃ samakkhātuṃ saddhammassa , alaṃ uppannaṃM3.102 parappavādaṃ sahadhammehi suniggahitaṃ niggahetvā sappāṭihāriyaṃ dhammaṃ desetuṃ .

Evaṃ taṃ brahmacariyaṃ aparipūraṃ hoti tenaṅgena .

‘‘ Yato ca kho , cunda , etehi ceva aṅgehi samannāgataṃ brahmacariyaṃ hoti , satthā ca hoti thero rattaññū cirapabbajito addhagato vayoanuppatto , therā cassa bhikkhū sāvakā honti viyattā vinītā visāradā pattayogakkhemā .

Alaṃ samakkhātuṃ saddhammassa , alaṃ uppannaṃ parappavādaṃ sahadhammehi suniggahitaṃ niggahetvā sappāṭihāriyaṃ dhammaṃ desetuṃ .

Evaṃ taṃ brahmacariyaṃ paripūraṃ hoti tenaṅgena .

174.‘‘ Etehi cepi , cunda , aṅgehi samannāgataṃ brahmacariyaṃ hoti , satthā ca hoti thero rattaññū cirapabbajito addhagato vayoanuppatto , therā cassa bhikkhū sāvakā honti viyattāV3.92 vinītā visāradā pattayogakkhemā .

Alaṃ samakkhātuṃ saddhammassa , alaṃ uppannaṃ parappavādaṃ sahadhammehi suniggahitaṃ niggahetvā sappāṭihāriyaṃ dhammaṃ desetuṃ .

No ca khvassa majjhimā bhikkhū sāvakā honti … pe … majjhimā cassa bhikkhū sāvakā honti , no ca khvassa navā bhikkhū sāvakā honti … pe … navā cassa bhikkhū sāvakā honti , no ca khvassa therā bhikkhuniyo sāvikā honti … pe … therā cassa bhikkhuniyo sāvikā honti , no ca khvassa majjhimāP3.124 bhikkhuniyo sāvikā honti … pe … majjhimā cassa bhikkhuniyo sāvikā hontiT3.136 , no ca khvassa navā bhikkhuniyo sāvikā honti … pe … navā cassa bhikkhuniyo sāvikā honti , no ca khvassa upāsakā sāvakā honti gihī odātavasanā brahmacārino … pe … upāsakā cassa sāvakā honti gihī odātavasanā brahmacārino , no ca khvassa upāsakā sāvakā honti gihī odātavasanā kāmabhogino … pe … upāsakā cassa sāvakā honti gihī odātavasanā kāmabhogino , no ca khvassa upāsikā sāvikā honti gihiniyo odātavasanā brahmacāriniyo … pe … upāsikā cassa sāvikā honti gihiniyo odātavasanā brahmacāriniyo , no ca khvassa upāsikā sāvikā honti gihiniyo odātavasanā kāmabhoginiyo … pe … upāsikā cassa sāvikā honti gihiniyo odātavasanā kāmabhoginiyo , no ca khvassa brahmacariyaṃ hoti iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsitaṃ … pe … brahmacariyañcassa hoti iddhañceva phītañca vitthārikaṃ bāhujaññaṃ puthubhūtaṃ yāvaM3.103 devamanussehi suppakāsitaṃ , no ca kho lābhaggayasaggappattaṃ .

Evaṃ taṃ brahmacariyaṃ aparipūraṃ hoti tenaṅgena .

Alaṃ samakkhātuṃ saddhammassa , alaṃ uppannaṃ parappavādaṃ sahadhammehi suniggahitaṃ niggahetvā sappāṭihāriyaṃ dhammaṃ desetuṃ .

Majjhimā cassa bhikkhū sāvakā honti … pe … navā cassa bhikkhū sāvakā honti … pe … therā cassa bhikkhuniyo sāvikāT3.137 honti … pe … majjhimā cassa bhikkhuniyo sāvikā honti … pe … navā cassa bhikkhuniyo sāvikā honti … pe … upāsakā cassa sāvakā honti … pe … gihī odātavasanā brahmacārinoP3.125 .

Upāsakā cassa sāvakā honti gihī odātavasanā kāmabhogino … pe … upāsikā cassa sāvikā honti gihiniyo odātavasanā brahmacāriniyo … pe … upāsikā cassa sāvikā honti gihiniyo odātavasanā kāmabhoginiyo … pe … brahmacariyañcassa hoti iddhañceva phītañca vitthārikaṃV3.93 bāhujaññaṃ puthubhūtaṃ yāva devamanussehi suppakāsitaṃ , lābhaggappattañca yasaggappattañca .

Evaṃ taṃ brahmacariyaṃ paripūraṃ hoti tenaṅgena .

175.‘‘ Ahaṃ kho pana , cunda , etarahi satthā loke uppanno arahaṃ sammāsambuddho .

Dhammo ca svākkhāto suppavedito niyyāniko upasamasaṃvattaniko sammāsambuddhappavedito .

Viññāpitatthā ca me sāvakā saddhamme , kevalañca tesaṃ paripūraṃ brahmacariyaṃ āvikataṃ uttānīkataṃ sabbasaṅgāhapadakataṃ sappāṭihīrakataṃ yāva devamanussehi suppakāsitaṃ .

Ahaṃ kho pana , cunda , etarahi satthā thero rattaññū cirapabbajito addhagato vayoanuppatto .

‘‘ Santi kho pana me , cunda , etarahi therā bhikkhū sāvakā honti viyattā vinītā visāradā pattayogakkhemā .

Alaṃ samakkhātuṃ saddhammassa , alaṃ uppannaṃ parappavādaṃ sahadhammehi suniggahitaṃ niggahetvā sappāṭihāriyaṃ dhammaṃ desetuṃ .

Santi kho pana me , cundaT3.138 , etarahi majjhimā bhikkhū sāvakā … pe … santi kho pana me , cunda , etarahi navā bhikkhū sāvakā … pe … santi kho pana me , cunda , etarahi therā bhikkhuniyo sāvikā … pe … santi khoM3.104 pana me , cunda , etarahi majjhimā bhikkhuniyo sāvikā … pe … santi kho pana me , cunda , etarahi navā bhikkhuniyo sāvikā … pe … santi kho pana me , cunda , etarahi upāsakā sāvakā gihī odātavasanā brahmacārino … pe … santi kho pana me , cunda , etarahi upāsakā sāvakā gihī odātavasanā kāmabhogino … pe … santi kho pana me , cunda , etarahi upāsikā sāvikā gihiniyo odātavasanā brahmacāriniyo … pe … santi kho panaP3.126 me , cunda , etarahi upāsikā sāvikā gihiniyo odātavasanā kāmabhoginiyo … pe … etarahi kho pana me , cunda , brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsitaṃ .

176.‘‘ Yāvatā kho , cunda , etarahi satthāro loke uppannā , nāhaṃ , cunda , aññaṃ ekasatthārampi samanupassāmi evaṃlābhaggayasaggappattaṃ yatharivāhaṃ .

Yāvatā kho pana , cunda , etarahi saṅgho vā gaṇo vā loke uppanno ;

nāhaṃ , cunda , aññaṃ ekaṃ saṃghampi samanupassāmi evaṃlābhaggayasaggappattaṃ yatharivāyaṃ , cunda , bhikkhusaṅgho .

Yaṃ kho taṃ , cunda , sammā vadamāno vadeyya –

‘ sabbākārasampannaṃ sabbākāraparipūraṃ anūnamanadhikaṃ svākkhātaṃ kevalaṃ paripūraṃ brahmacariyaṃ suppakāsitan ’ ti .

Idameva taṃ sammā vadamāno vadeyya –

‘ sabbākārasampannaṃ … pe … suppakāsitan ’ ti .

‘‘ UdakoV3.94 [ uddako ( sī . syā . pī .)] sudaṃ , cunda , rāmaputto evaṃ vācaṃ bhāsati –

‘ passaṃ na passatī ’ ti .

KiñcaT3.139 passaṃ na passatīti ?

Khurassa sādhunisitassa talamassa passati , dhārañca khvassa na passati .

Idaṃ vuccati –

‘ passaṃ na passatī ’ ti .

Yaṃ kho panetaṃ , cunda , udakena rāmaputtena bhāsitaṃ hīnaṃ gammaṃ pothujjanikaṃ anariyaṃ anatthasaṃhitaṃ khurameva sandhāya .

Yañca taṃ [ yañcetaṃ ( syā . ka .)], cunda , sammā vadamāno vadeyya –

‘ passaṃP3.127 na passatī ’ ti , idameva taṃ [ idamevetaṃ ( ka .)] sammā vadamāno vadeyya –

‘ passaṃ na passatī ’ ti .

Kiñca passaṃ na passatīti ?

Evaṃ sabbākārasampannaṃ sabbākāraparipūraṃ anūnamanadhikaṃ svākkhātaṃ kevalaṃ paripūraṃ brahmacariyaṃ suppakāsitanti , iti hetaṃ passati [ suppakāsitaṃ , iti hetaṃ na passatīti ( syā . ka .)].

Idamettha apakaḍḍheyya , evaṃ taṃ parisuddhataraṃ assāti , iti hetaṃ na passati [ na passatīti ( syā . ka .)].

Idamettha upakaḍḍheyya , evaṃ taṃ paripūraṃ [ parisuddhataraṃ ( syā . ka .), paripūrataraṃ (?)] assāti , itiM3.105 hetaṃ na passati .

Idaṃ vuccati cunda –

‘ passaṃ na passatī ’ ti .

Yaṃ kho taṃ , cunda , sammā vadamāno vadeyya –

‘ sabbākārasampannaṃ … pe … brahmacariyaṃ suppakāsitan ’ ti .

Idameva taṃ sammā vadamāno vadeyya –

‘ sabbākārasampannaṃ sabbākāraparipūraṃ anūnamanadhikaṃ svākkhātaṃ kevalaṃ paripūraṃ brahmacariyaṃ suppakāsitan ’ ti .

Select Version

Pāthikavaggapāḷi

Pāthikavaggapāḷi