1. Pāthikasuttaṃ
Sunakkhattavatthu
1. Evaṃ
M3.1P3.1V3.1T3.1 me sutaṃ – ekaṃ samayaṃ bhagavā mallesu viharati anupiyaṃ nāma [ anuppiyaṃ nāma ( syā .)] mallānaṃ nigamo .Atha kho bhagavā pubbaṇhasamayaṃ nivāsetvā pattacīvaramādāya anupiyaṃ piṇḍāya pāvisi .
Atha kho bhagavato etadahosi –
‘‘ atippago kho tāva anupiyāyaṃ [ anupiyaṃ ( ka .)] piṇḍāya carituṃ .
Yaṃnūnāhaṃ yena bhaggavagottassa paribbājakassa ārāmo , yena bhaggavagotto paribbājako tenupasaṅkameyyan ’’ ti .
2. Atha
P3.2V3.2 kho bhagavā yena bhaggavagottassa paribbājakassa ārāmo , yena bhaggavagotto paribbājako tenupasaṅkami .Atha kho bhaggavagotto paribbājako bhagavantaṃ etadavoca –
‘‘ etu kho , bhante , bhagavā .
Svāgataṃ , bhante , bhagavato .
Cirassaṃ kho , bhante , bhagavā imaṃ pariyāyamakāsi yadidaṃ idhāgamanāya .
Nisīdatu , bhante , bhagavā , idamāsanaṃ paññattan ’’ ti .
Nisīdi bhagavā paññatte āsane .
Bhaggavagottopi kho paribbājako aññataraṃ
T3.2 nīcaṃ āsanaṃ gahetvā ekamantaṃ nisīdi .Ekamantaṃ nisinno kho bhaggavagotto paribbājako bhagavantaṃ etadavoca –
‘‘ purimāni , bhante , divasāni
M3.2 purimatarāni sunakkhatto licchaviputto yenāhaṃ tenupasaṅkami ;upasaṅkamitvā maṃ etadavoca –
‘ paccakkhāto dāni mayā , bhaggava , bhagavā .
Na dānāhaṃ bhagavantaṃ uddissa viharāmī ’ ti .
Kaccetaṃ , bhante , tatheva , yathā sunakkhatto licchaviputto avacā ’’ ti ?
‘‘ Tatheva kho etaṃ , bhaggava , yathā sunakkhatto licchaviputto avaca ’’.
3. Purimāni , bhaggava , divasāni purimatarāni sunakkhatto licchaviputto yenāhaṃ tenupasaṅkami ;
upasaṅkamitvā maṃ abhivādetvā ekamantaṃ nisīdi .
Ekamantaṃ nisinno kho , bhaggava , sunakkhatto licchaviputto maṃ etadavoca –
‘ paccakkhāmi dānāhaṃ , bhante , bhagavantaṃ .
Na dānāhaṃ , bhante , bhagavantaṃ uddissa viharissāmī ’ ti .
‘ Evaṃ vutte , ahaṃ , bhaggava , sunakkhattaṃ licchaviputtaṃ etadavocaṃ –
‘ api nu tāhaṃ , sunakkhatta , evaṃ avacaṃ , ehi tvaṃ , sunakkhatta , mamaṃ uddissa viharāhī ’ ti ?
‘ No hetaṃ , bhante ’.
‘ Tvaṃ
P3.3 vā pana maṃ evaṃ avaca – ahaṃ , bhante , bhagavantaṃ uddissa viharissāmī ’ ti ?‘ No hetaṃ , bhante ’.
‘ Iti kira , sunakkhatta , nevāhaṃ taṃ vadāmi – ehi tvaṃ , sunakkhatta , mamaṃ uddissa viharāhīti .
Napi kira maṃ tvaṃ vadesi – ahaṃ , bhante , bhagavantaṃ uddissa viharissāmīti .
Evaṃ sante , moghapurisa , ko santo kaṃ paccācikkhasi ?
Passa , moghapurisa , yāvañca
T3.3 [ yāva ca ( ka .)] te idaṃ aparaddhan ’ ti . 4.‘ Na hi pana me , bhante , bhagavā uttarimanussadhammā iddhipāṭihāriyaṃ karotī ’ ti .
‘ Api nu tāhaṃ , sunakkhatta , evaṃ avacaṃ – ehi tvaṃ , sunakkhatta , mamaṃ uddissa viharāhi , ahaṃ te uttarimanussadhammā iddhipāṭihāriyaṃ karissāmī ’ ti ?
‘ No hetaṃ , bhante ’.
‘ Tvaṃ vā pana maṃ evaṃ avaca – ahaṃ , bhante , bhagavantaṃ uddissa viharissāmi , bhagavā me uttarimanussadhammā iddhipāṭihāriyaṃ karissatī ’ ti ?
‘ No hetaṃ , bhante ’.
‘ Iti kira , sunakkhatta , nevāhaṃ taṃ vadāmi – ehi tvaṃ , sunakkhatta , mamaṃ uddissa viharāhi , ahaṃ te uttarimanussadhammā iddhipāṭihāriyaṃ karissāmī ’ ti ;
napi kira maṃ tvaṃ vadesi – ahaṃ , bhante , bhagavantaṃ uddissa viharissāmi , bhagavā me uttarimanussadhammā iddhipāṭihāriyaṃ karissatī ’ ti .
Evaṃ sante , moghapurisa
V3.3 , ko santo kaṃ paccācikkhasi ?Taṃ kiṃ maññasi , sunakkhatta , kate vā uttarimanussadhammā iddhipāṭihāriye akate vā uttarimanussadhammā
M3.3 iddhipāṭihāriye yassatthāya mayā dhammo desito so niyyāti takkarassa sammā dukkhakkhayāyā ’ ti ?‘ Kate
P3.4 vā , bhante , uttarimanussadhammā iddhipāṭihāriye akate vā uttarimanussadhammā iddhipāṭihāriye yassatthāya bhagavatā dhammo desito so niyyāti takkarassa sammā dukkhakkhayāyā ’ ti .‘ Iti kira , sunakkhatta , kate vā uttarimanussadhammā iddhipāṭihāriye , akate vā uttarimanussadhammā iddhipāṭihāriye , yassatthāya mayā dhammo desito , so niyyāti takkarassa
T3.4 sammā dukkhakkhayāya .Tatra , sunakkhatta , kiṃ uttarimanussadhammā iddhipāṭihāriyaṃ kataṃ karissati ?
Passa , moghapurisa , yāvañca te idaṃ aparaddhan ’ ti .
5.‘ Na hi pana me , bhante , bhagavā aggaññaṃ paññapetī ’ ti [ paññāpetīti ( pī .)]?
‘ Api nu tāhaṃ , sunakkhatta , evaṃ avacaṃ – ehi tvaṃ , sunakkhatta , mamaṃ uddissa viharāhi , ahaṃ te aggaññaṃ paññapessāmī ’ ti ?
‘ No hetaṃ , bhante ’.
‘ Tvaṃ vā pana maṃ evaṃ avaca – ahaṃ , bhante , bhagavantaṃ uddissa viharissāmi , bhagavā me aggaññaṃ paññapessatī ’ ti ?
‘ No hetaṃ , bhante ’.
‘ Iti kira , sunakkhatta , nevāhaṃ taṃ vadāmi – ehi tvaṃ , sunakkhatta , mamaṃ uddissa viharāhi , ahaṃ te aggaññaṃ paññapessāmīti .
Napi kira maṃ tvaṃ vadesi – ahaṃ , bhante , bhagavantaṃ uddissa viharissāmi , bhagavā me aggaññaṃ paññapessatī ’ ti .
Evaṃ sante , moghapurisa , ko santo kaṃ paccācikkhasi ?
Taṃ kiṃ maññasi , sunakkhatta , paññatte vā aggaññe , apaññatte vā aggaññe , yassatthāya mayā dhammo desito , so niyyāti takkarassa sammā dukkhakkhayāyā ’ ti ?
‘ Paññatte vā , bhante , aggaññe , apaññatte vā aggaññe , yassatthāya bhagavatā dhammo desito , so niyyāti takkarassa sammā dukkhakkhayāyā ’ ti .
‘ Iti
P3.5 kira , sunakkhatta , paññatte vā aggaññe , apaññatte vā aggaññe , yassatthāya mayā dhammo desito , so niyyāti takkarassa sammā dukkhakkhayāya .Tatra , sunakkhatta , kiṃ aggaññaṃ paññattaṃ
T3.5 karissati ?Passa , moghapurisa , yāvañca te idaṃ aparaddhaṃ ’.
6.‘ Anekapariyāyena kho te , sunakkhatta , mama vaṇṇo bhāsito vajjigāme – itipi so bhagavā arahaṃ sammāsambuddho vijjācaraṇasampanno sugato
M3.4 lokavidū anuttaro purisadammasārathi satthā devamanussānaṃ buddho bhagavāti .Iti kho te , sunakkhatta , anekapariyāyena mama vaṇṇo bhāsito vajjigāme .
‘ Anekapariyāyena
V3.4 kho te , sunakkhatta , dhammassa vaṇṇo bhāsito vajjigāme – svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhīti .Iti kho te , sunakkhatta , anekapariyāyena dhammassa vaṇṇo bhāsito vajjigāme .
‘ Anekapariyāyena kho te , sunakkhatta , saṅghassa vaṇṇo bhāsito vajjigāme – suppaṭipanno bhagavato sāvakasaṅgho , ujuppaṭipanno bhagavato sāvakasaṅgho , ñāyappaṭipanno bhagavato sāvakasaṅgho , sāmīcippaṭipanno bhagavato sāvakasaṅgho , yadidaṃ cattāri purisayugāni aṭṭha purisapuggalā , esa bhagavato sāvakasaṅgho , āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassāti .
Iti kho te , sunakkhatta , anekapariyāyena saṅghassa vaṇṇo bhāsito vajjigāme .
‘ Ārocayāmi kho te , sunakkhatta , paṭivedayāmi kho te , sunakkhatta .
Bhavissanti kho te , sunakkhatta , vattāro , no visahi sunakkhatto licchaviputto samaṇe gotame brahmacariyaṃ carituṃ , so avisahanto
T3.6 sikkhaṃ paccakkhāya hīnāyāvattoti .Iti kho te , sunakkhatta , bhavissanti vattāro ’ ti .
Evaṃ pi
P3.6 kho , bhaggava , sunakkhatto licchaviputto mayā vuccamāno apakkameva imasmā dhammavinayā , yathā taṃ āpāyiko nerayiko .