Eko dhammo
351.‘‘ Eko , āvuso , dhammo bahukāro , eko dhammo bhāvetabbo , eko dhammo pariññeyyo , eko dhammo pahātabbo , eko dhammo hānabhāgiyo , eko dhammo visesabhāgiyo , eko dhammo duppaṭivijjho , eko dhammo uppādetabbo , eko dhammo abhiññeyyo , eko dhammo sacchikātabbo .
( Ka )‘‘ katamo eko dhammo bahukāro ?
Appamādo kusalesu dhammesu .
Ayaṃ eko dhammo bahukāro .
( Kha )‘‘ katamo eko dhammo bhāvetabbo ?
Kāyagatāsati sātasahagatā .
Ayaṃ eko dhammo bhāvetabbo .
( Ga )‘‘ katamo
V3.218 eko dhammo pariññeyyo ?Phasso sāsavo upādāniyo .
Ayaṃ eko dhammo pariññeyyo .
( Gha )‘‘ katamo
T3.289P3.273 eko dhammo pahātabbo ?Asmimāno .
Ayaṃ eko dhammo pahātabbo .
( Ṅa )‘‘ katamo eko dhammo hānabhāgiyo ?
Ayoniso manasikāro .
Ayaṃ eko dhammo hānabhāgiyo .
( Ca )‘‘ katamo eko dhammo visesabhāgiyo ?
Yoniso manasikāro .
Ayaṃ eko dhammo visesabhāgiyo .
( Cha )‘‘ katamo
M3.228 eko dhammo duppaṭivijjho ?Ānantariko cetosamādhi .
Ayaṃ eko dhammo duppaṭivijjho .
( Ja )‘‘ katamo eko dhammo uppādetabbo ?
Akuppaṃ ñāṇaṃ .
Ayaṃ eko dhammo uppādetabbo .
( Jha )‘‘ katamo eko dhammo abhiññeyyo ?
Sabbe sattā āhāraṭṭhitikā .
Ayaṃ eko dhammo abhiññeyyo .
( Ña )‘‘ katamo eko dhammo sacchikātabbo ?
Akuppā cetovimutti .
Ayaṃ eko dhammo sacchikātabbo .
‘‘ Iti ime dasa dhammā bhūtā tacchā tathā avitathā anaññathā sammā tathāgatena abhisambuddhā .