Itthipurisaliṅgapātubhāvo
126.‘‘ Yathā yathā kho te , vāseṭṭha , sattā akaṭṭhapākaṃ sāliṃ paribhuñjantā taṃbhakkhā tadāhārā ciraṃ dīghamaddhānaṃ aṭṭhaṃsu , tathā tathā tesaṃ sattānaṃ bhiyyosomattāya kharattañceva kāyasmiṃ okkami , vaṇṇavevaṇṇatā ca paññāyittha , itthiyā ca itthiliṅgaṃ pāturahosi purisassa ca purisaliṅgaṃ .
Itthī
T3.97 ca purisaṃ ativelaṃ upanijjhāyati puriso ca itthiṃ .Tesaṃ ativelaṃ aññamaññaṃ upanijjhāyataṃ sārāgo udapādi , pariḷāho kāyasmiṃ okkami .
Te pariḷāhapaccayā methunaṃ dhammaṃ paṭiseviṃsu .
‘‘ Ye kho pana te , vāseṭṭha , tena samayena sattā passanti methunaṃ dhammaṃ paṭisevante , aññe paṃsuṃ khipanti , aññe seṭṭhiṃ khipanti
P3.89 , aññe gomayaṃ khipanti –‘ nassa asuci [ vasali ( syā .), vasalī ( ka .)], nassa asucī ’ ti .
‘ Kathañhi nāma satto sattassa evarūpaṃ karissatī ’ ti !
Tadetarahipi manussā ekaccesu janapadesu vadhuyā nibbuyhamānāya [ nivayhamānāya , niggayhamānāya ( ka .)] aññe paṃsuṃ khipanti , aññe seṭṭhiṃ khipanti , aññe
V3.66 gomayaṃ khipanti .Tadeva porāṇaṃ aggaññaṃ akkharaṃ anusaranti , na tvevassa atthaṃ ājānanti .