Cha disā
244.‘‘ Na kho , gahapatiputta , ariyassa vinaye evaṃ cha disā [ chaddisā ( sī . pī .)] namassitabbā ’’ ti .
‘‘ Yathā kathaṃ pana , bhante , ariyassa vinaye cha disā [ chaddisā ( sī . pī .)] namassitabbā ?
Sādhu me , bhante , bhagavā tathā dhammaṃ desetu , yathā ariyassa vinaye cha disā [ chaddisā ( sī . pī .)] namassitabbā ’’ ti .
‘‘ Tena
V3.137 hi , gahapatiputta suṇohi sādhukaṃ manasikarohi bhāsissāmī ’’ ti .‘‘ Evaṃ , bhante ’’ ti kho siṅgālako gahapatiputto bhagavato paccassosi .
Bhagavā etadavoca –
‘‘ Yato
M3.147 kho , gahapatiputta , ariyasāvakassa cattāro kammakilesā pahīnā honti , catūhi ca ṭhānehi pāpakammaṃ na karoti , cha ca bhogānaṃ apāyamukhāni na sevati , so evaṃ cuddasa pāpakāpagato chaddisāpaṭicchādī [ paṭicchādī hoti ( syā .)] ubholokavijayāya paṭipanno hoti .Tassa ayañceva loko āraddho hoti paro ca loko .
So kāyassa bhedā paraṃ maraṇā sugatiṃ saggaṃ lokaṃ upapajjati .