Editor
Settings
Versions
Select Version
中文翻译1
中文
Pāthikavaggapāḷi
Pāthikavaggapāḷi

Dve dhammā

Author： _System_Pali_VRI_ @ Administrator

Dve dhammā

352.‘‘ Dve dhammā bahukārā , dve dhammā bhāvetabbā , dve dhammā pariññeyyā , dve dhammā pahātabbāV3.219 , dve dhammā hānabhāgiyā , dve dhammā visesabhāgiyā , dve dhammā duppaṭivijjhā , dve dhammā uppādetabbā , dve dhammā abhiññeyyā , dve dhammāT3.290 sacchikātabbā .
( Ka )‘‘ katame dve dhammā bahukārā ?
Sati ca sampajaññañca .
Ime dve dhammā bahukārā .
( Kha )‘‘ katame dve dhammā bhāvetabbā ?
Samatho ca vipassanā ca .
Ime dve dhammā bhāvetabbā .
( Ga )‘‘ katame dve dhammā pariññeyyā ?
Nāmañca rūpañca .
Ime dve dhammā pariññeyyā .
( Gha )‘‘ katameP3.274 dve dhammā pahātabbā ?
Avijjā ca bhavataṇhā ca .
Ime dve dhammā pahātabbā .
( Ṅa )‘‘ katame dve dhammā hānabhāgiyā ?
Dovacassatā ca pāpamittatā ca .
Ime dve dhammā hānabhāgiyā .
( Ca )‘‘ katame dve dhammā visesabhāgiyā ?
Sovacassatā ca kalyāṇamittatā ca .
Ime dve dhammā visesabhāgiyā .
( Cha )‘‘ katameM3.229 dve dhammā duppaṭivijjhā ?
Yo ca hetu yo ca paccayo sattānaṃ saṃkilesāya , yo ca hetu yo ca paccayo sattānaṃ visuddhiyā .
Ime dve dhammā duppaṭivijjhā .
( Ja )‘‘ katame dve dhammā uppādetabbā ?
Dve ñāṇāni – khaye ñāṇaṃ , anuppāde ñāṇaṃ .
Ime dve dhammā uppādetabbā .
( Jha )‘‘ katame dve dhammā abhiññeyyā ?
Dve dhātuyo – saṅkhatā ca dhātu asaṅkhatā ca dhātu .
Ime dve dhammā abhiññeyyā .
( Ña )‘‘ katameT3.291 dve dhammā sacchikātabbā ?
Vijjā ca vimutti ca .
Ime dve dhammā sacchikātabbā .
‘‘ ItiV3.220 ime vīsati dhammā bhūtā tacchā tathā avitathā anaññathā sammā tathāgatena abhisambuddhā .