Acelapāthikaputtavatthu

Author： _System_Pali_VRI_ @ Administrator

No version selected — showing the Pali original by default.

Acelapāthikaputtavatthu

15.‘‘ Ekamidāhaṃ , bhaggava , samayaṃ tattheva vesāliyaṃ viharāmi mahāvane kūṭāgārasālāyaṃ .

Tena kho pana samayena acelo pāthikaputto [ pāṭikaputto ( sī . syā . pī .)] vesāliyaṃ paṭivasati lābhaggappatto ceva yasaggappatto ca vajjigāme .

So vesāliyaṃ parisati evaṃ vācaṃ bhāsati –

‘ samaṇopi gotamo ñāṇavādo , ahampi ñāṇavādo .

Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ .

Samaṇo gotamo upaḍḍhapathaṃ āgaccheyya , ahampi upaḍḍhapathaṃ gaccheyyaṃ .

Te tattha ubhopi uttarimanussadhammā iddhipāṭihāriyaṃ kareyyāma .

Ekaṃ ce samaṇo gotamo uttarimanussadhammā iddhipāṭihāriyaṃ karissati , dvāhaṃ karissāmi .

Dve ce samaṇo gotamo uttarimanussadhammā iddhipāṭihāriyāniT3.13 karissati , cattārāhaṃ karissāmiP3.13 .

Cattāri ce samaṇo gotamo uttarimanussadhammā iddhipāṭihāriyāni karissati , aṭṭhāhaṃ karissāmi .

Iti yāvatakaṃ yāvatakaṃ samaṇo gotamo uttarimanussadhammā iddhipāṭihāriyaṃ karissati , taddiguṇaṃ taddiguṇāhaṃ karissāmī ’ ti .

16.‘‘ Atha kho , bhaggava , sunakkhatto licchaviputto yenāhaṃ tenupasaṅkami ;

upasaṅkamitvā maṃ abhivādetvā ekamantaṃ nisīdi .

Ekamantaṃ nisinno kho , bhaggava , sunakkhatto licchaviputto maṃ etadavoca –

‘ acelo , bhante , pāthikaputto vesāliyaṃ paṭivasati lābhaggappatto ceva yasaggappatto ca vajjigāme .

So vesāliyaṃ parisati evaṃ vācaṃ bhāsati – samaṇopiV3.9 gotamoM3.10 ñāṇavādo , ahampi ñāṇavādo .

Ñāṇavādo kho pana ñāṇavādena arahati uttarimanussadhammā iddhipāṭihāriyaṃ dassetuṃ .

Samaṇo gotamo upaḍḍhapathaṃ āgaccheyya , ahampi upaḍḍhapathaṃ gaccheyyaṃ .

Te tattha ubhopi uttarimanussadhammā iddhipāṭihāriyaṃ kareyyāma .

Ekaṃ ce samaṇo gotamo uttarimanussadhammā iddhipāṭihāriyaṃ karissati , dvāhaṃ karissāmi .

Dve ce samaṇo gotamo uttarimanussadhammā iddhipāṭihāriyāni karissati , cattārāhaṃ karissāmi .

Cattāri ce samaṇo gotamo uttarimanussadhammā iddhipāṭihāriyāni karissati , aṭṭhāhaṃ karissāmi .

Iti yāvatakaṃ yāvatakaṃ samaṇo gotamo uttari manussadhammā iddhipāṭihāriyaṃ karissati , taddiguṇaṃ taddiguṇāhaṃ karissāmī ’’ ti .

‘‘ Evaṃ vutte , ahaṃ , bhaggava , sunakkhattaṃ licchaviputtaṃ etadavocaṃ –

‘ abhabbo kho , sunakkhatta , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ .

Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti , muddhāpiT3.14 tassa vipateyyā ’ ti .

17.‘ Rakkhatetaṃ , bhante , bhagavā vācaṃ , rakkhatetaṃ sugato vācan ’ ti .

‘ KiṃP3.14 pana maṃ tvaṃ , sunakkhatta , evaṃ vadesi – rakkhatetaṃ , bhante , bhagavā vācaṃ , rakkhatetaṃ sugato vācan ’ ti ?

‘ Bhagavatā cassa , bhante , esā vācā ekaṃsena odhāritā [ ovāditā ( ka .)]– abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ .

Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti , muddhāpi tassa vipateyyāti .

Acelo ca , bhante , pāthikaputto virūparūpena bhagavato sammukhībhāvaṃ āgaccheyya , tadassa bhagavato musā ’ ti .

18.‘ Api nu , sunakkhatta , tathāgato taṃ vācaṃ bhāseyya yā sā vācā dvayagāminī ’ ti ?

‘ Kiṃ pana , bhante , bhagavatā acelo pāthikaputto cetasāM3.11 ceto paricca vidito – abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ .

Sacepissa evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti , muddhāpi tassa vipateyyā ’ ti ?

‘ UdāhuV3.10 , devatā bhagavato etamatthaṃ ārocesuṃ – abhabbo , bhante , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ .

19.‘ Cetasā ceto paricca vidito ceva me , sunakkhattaT3.15 , acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā mama sammukhībhāvaṃ āgantuṃ .

‘ Devatāpi me etamatthaṃ ārocesuṃ – abhabboP3.15 , bhante , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ .

‘ Ajitopi nāma licchavīnaṃ senāpati adhunā kālaṅkato tāvatiṃsakāyaṃ upapanno .

Sopi maṃ upasaṅkamitvā evamārocesi – alajjī , bhante , acelo pāthikaputto ;

musāvādī , bhante , acelo pāthikaputto .

Mampi , bhante , acelo pāthikaputto byākāsi vajjigāme – ajito licchavīnaṃ senāpati mahānirayaṃ upapannoti .

Na kho panāhaṃ , bhante , mahānirayaṃ upapanno ;

tāvatiṃsakāyamhi upapanno .

Alajjī , bhante , acelo pāthikaputto ;

musāvādī , bhante , acelo pāthikaputto ;

abhabbo ca , bhante , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ .

SacepissaM3.12 evamassa – ahaṃ taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā samaṇassa gotamassa sammukhībhāvaṃ gaccheyyanti , muddhāpi tassa vipateyyā ’ ti .

‘ Iti kho , sunakkhatta , cetasā ceto paricca vidito ceva me acelo pāthikaputto abhabbo acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvāV3.11 mama sammukhībhāvaṃ āgantuṃ .

Devatāpi me etamatthaṃ ārocesuṃ – abhabbo , bhanteT3.16 , acelo pāthikaputto taṃ vācaṃ appahāya taṃ cittaṃ appahāya taṃ diṭṭhiṃ appaṭinissajjitvā bhagavato sammukhībhāvaṃ āgantuṃ .

‘ So kho panāhaṃ , sunakkhatta , vesāliyaṃ piṇḍāya caritvā pacchābhattaṃ piṇḍapātappaṭikkanto yena acelassa pāthikaputtassa ārāmo tenupasaṅkamissāmi divāvihārāya .

Yassadāni tvaṃ , sunakkhatta , icchasi , tassa ārocehī ’ ti .

Select Version

Pāthikavaggapāḷi

Pāthikavaggapāḷi