Dukaṃ
304.‘‘ Atthi
V3.169 kho , āvuso , tena bhagavatā jānatā passatā arahatā sammāsambuddhena dve dhammā sammadakkhātā .Tattha sabbeheva saṅgāyitabbaṃ , na vivaditabbaṃ , yathayidaṃ brahmacariyaṃ addhaniyaṃ assa ciraṭṭhitikaṃ , tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ .
Katame dve [ dve dhammo ( syā . kaṃ .) evamuparipi ]?
‘‘ Nāmañca rūpañca .
‘‘ Avijjā ca bhavataṇhā ca .
‘‘ Bhavadiṭṭhi ca vibhavadiṭṭhi ca .
‘‘ Ahirikañca [ ahirīkañca ( katthaci )] anottappañca .
‘‘ Hirī ca ottappañca .
‘‘ Dovacassatā ca pāpamittatā ca .
‘‘ Sovacassatā ca kalyāṇamittatā ca .
‘‘ Āpattikusalatā ca āpattivuṭṭhānakusalatā ca .
‘‘ Samāpattikusalatā ca samāpattivuṭṭhānakusalatā ca .
‘‘ Dhātukusalatā
M3.179 ca manasikārakusalatā ca .‘‘ Āyatanakusalatā ca paṭiccasamuppādakusalatā ca .
‘‘ Ṭhānakusalatā ca aṭṭhānakusalatā ca .
‘‘ Ajjavañca
P3.213V3.170 lajjavañca .‘‘ Khanti ca soraccañca .
‘‘ Sākhalyañca paṭisanthāro ca .
‘‘ Avihiṃsā ca soceyyañca .
‘‘ Muṭṭhassaccañca asampajaññañca .
‘‘ Sati ca sampajaññañca
T3.227 .‘‘ Indriyesu aguttadvāratā ca bhojane amattaññutā ca .
‘‘ Indriyesu guttadvāratā ca bhojane mattaññutā ca .
‘‘ Paṭisaṅkhānabalañca [ paṭisandhānabalañca ( syā .)] bhāvanābalañca .
‘‘ Satibalañca samādhibalañca .
‘‘ Samatho ca vipassanā ca .
‘‘ Samathanimittañca paggahanimittañca .
‘‘ Paggaho ca avikkhepo ca .
‘‘ Sīlavipatti ca diṭṭhivipatti ca .
‘‘ Sīlasampadā ca diṭṭhisampadā ca .
‘‘ Sīlavisuddhi
V3.171P3.214 ca diṭṭhivisuddhi ca .‘‘ Diṭṭhivisuddhi kho pana yathā diṭṭhissa ca padhānaṃ .
‘‘ Saṃvego ca saṃvejanīyesu ṭhānesu saṃviggassa ca yoniso padhānaṃ .
‘‘ Asantuṭṭhitā ca kusalesu dhammesu appaṭivānitā ca padhānasmiṃ .
‘‘ Vijjā
M3.180 ca vimutti ca .‘‘ Khayeñāṇaṃ anuppādeñāṇaṃ .
‘‘ Ime kho , āvuso , tena bhagavatā jānatā passatā arahatā sammāsambuddhena dve dhammā sammadakkhātā .
Tattha sabbeheva saṅgāyitabbaṃ , na vivaditabbaṃ , yathayidaṃ brahmacariyaṃ addhaniyaṃ assa ciraṭṭhitikaṃ , tadassa bahujanahitāya bahujanasukhāya lokānukampāya atthāya hitāya sukhāya devamanussānaṃ .