Sāvakānanutappasatthu
171.‘‘ Idha pana , cunda , satthā ca loke udapādi arahaṃ sammāsambuddho .
Dhammo ca svākkhāto suppavedito niyyāniko upasamasaṃvattaniko sammāsambuddhappavedito .
Viññāpitatthā cassa honti
T3.134 sāvakā saddhamme , kevalañca tesaṃ paripūraṃ brahmacariyaṃ āvikataṃ hoti uttānīkataṃ sabbasaṅgāhapadakataṃ sappāṭihīrakataṃ yāva devamanussehi suppakāsitaṃ .Atha nesaṃ satthuno antaradhānaṃ hoti .
Evarūpo kho , cunda , satthā sāvakānaṃ kālaṅkato ananutappo hoti
V3.91 .Taṃ kissa hetu ?
Satthā ca no loke udapādi arahaṃ sammāsambuddho .
Dhammo ca svākkhāto suppavedito niyyāniko upasamasaṃvattaniko sammāsambuddhappavedito .
Viññāpitatthā camha saddhamme , kevalañca no paripūraṃ brahmacariyaṃ āvikataṃ hoti uttānīkataṃ sabbasaṅgāhapadakataṃ sappāṭihīrakataṃ yāva devamanussehi suppakāsitaṃ
P3.123 .Atha no satthuno antaradhānaṃ hotīti .
Evarūpo kho , cunda , satthā sāvakānaṃ kālaṅkato ananutappo hoti .