Parisuddhapapaṭikappattakathā

Author： _System_Pali_VRI_ @ Administrator

No version selected — showing the Pali original by default.

Parisuddhapapaṭikappattakathā

64.‘‘ Idha , nigrodha , tapassī tapaṃ samādiyati , so tena tapasā na attamano hoti na paripuṇṇasaṅkappo .

Yampi , nigrodha , tapassī tapaṃT3.48 samādiyati , so tena tapasā na attamanoP3.46 hoti na paripuṇṇasaṅkappo .

Evaṃ so tasmiṃ ṭhāne parisuddho hoti .

‘‘ PunaV3.33 caparaṃ , nigrodha , tapassī tapaṃ samādiyati , so tena tapasā na attānukkaṃseti na paraṃ vambheti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī tapaṃ samādiyati , so tena tapasā na majjati na mucchati na pamādamāpajjati … pe … evaṃ so tasmiṃ ṭhāne parisuddho hoti .

65.‘‘ PunaM3.38 caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena na attamano hoti na paripuṇṇasaṅkappo … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena na attānukkaṃseti na paraṃ vambheti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī tapaṃ samādiyati , so tena tapasā lābhasakkārasilokaṃ abhinibbatteti , so tena lābhasakkārasilokena na majjati na mucchati na pamādamāpajjati … pe … evaṃ so tasmiṃ ṭhāne parisuddho hoti .

66.‘‘ Puna caparaṃ , nigrodha , tapassī bhojanesu na vodāsaṃ āpajjati –

‘ idaṃ me khamati , idaṃ me nakkhamatī ’ ti .

So yañca khvassa nakkhamati , taṃ anapekkho pajahati .

Yaṃ panassa khamatiT3.49 , taṃ agadhito amucchito anajjhāpanno ādīnavadassāvī nissaraṇapañño paribhuñjati … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī na tapaṃ samādiyati lābhasakkārasilokanikantihetu –

‘ sakkarissanti maṃ rājāno rājamahāmattā khattiyā brāhmaṇā gahapatikā titthiyā ’ ti … pe … evaṃ so tasmiṃ ṭhāne parisuddho hoti .

67.‘‘ Puna caparaṃ , nigrodha , tapassī aññataraṃ samaṇaṃ vā brāhmaṇaṃ vā nāpasādetā hoti –

‘ kiṃ panāyaṃ sambahulājīvoP3.47 sabbaṃ saṃbhakkheti .

Seyyathidaṃ – mūlabījaṃ khandhabījaṃ phaḷubījaṃV3.34 aggabījaṃ bījabījameva pañcamaṃ , asanivicakkaṃ dantakūṭaṃ , samaṇappavādenā ’ ti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī passati aññataraṃ samaṇaṃ vā brāhmaṇaṃ vā kulesu sakkariyamānaṃ garu kariyamānaṃ māniyamānaṃ pūjiyamānaṃ .

Disvā tassa na evaṃM3.39 hoti –

‘ imañhi nāma sambahulājīvaṃ kulesu sakkaronti garuṃ karonti mānenti pūjenti .

Maṃ pana tapassiṃ lūkhājīviṃ kulesu na sakkaronti na garuṃ karonti na mānenti na pūjentī ’ ti , iti so issāmacchariyaṃ kulesu nuppādetā hoti … pe … evaṃ so tasmiṃ ṭhāne parisuddho hoti .

68.‘‘ Puna caparaṃ , nigrodha , tapassī na āpāthakanisādī hoti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī na attānaṃ adassayamāno kulesu carati –

‘ idampi me tapasmiṃ , idampi me tapasmin ’ ti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī naT3.50 kañcideva paṭicchannaṃ sevati , so –

‘ khamati te idan ’ ti puṭṭho samāno akkhamamānaṃ āha –

‘ nakkhamatī ’ ti .

Khamamānaṃ āha –

‘ khamatī ’ ti .

Iti so sampajānamusā na bhāsitā hoti … pe … evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī tathāgatassa vā tathāgatasāvakassa vā dhammaṃ desentassa santaṃyeva pariyāyaṃ anuññeyyaṃ anujānāti … pe … evaṃ so tasmiṃ ṭhāne parisuddho hoti .

69.‘‘ Puna caparaṃ , nigrodha , tapassī akkodhano hoti anupanāhī .

Yampi , nigrodha , tapassī akkodhano hoti anupanāhī evaṃ so tasmiṃ ṭhāne parisuddho hoti .

‘‘ Puna caparaṃ , nigrodha , tapassī amakkhī hoti apaḷāsī … pe … anissukī hoti amaccharī … asaṭho hoti amāyāvī … atthaddho hoti anatimānī …P3.48 na pāpiccho hoti na pāpikānaṃ icchānaṃ vasaṃ gato … na micchādiṭṭhiko hoti na antaggāhikāya diṭṭhiyā samannāgato … na sandiṭṭhiparāmāsī hoti na ādhānaggāhī suppaṭinissaggī .

Yampi , nigrodha , tapassīV3.35 na sandiṭṭhiparāmāsī hoti na ādhānaggāhī suppaṭinissaggī .

Evaṃ so tasmiṃ ṭhāne parisuddho hoti .

‘‘ Taṃ kiṃ maññasi , nigrodha , yadi evaṃ sante tapojigucchā parisuddhā vā hoti aparisuddhā vā ’’ ti ?

‘‘ Addhā kho , bhante , evaṃ sante tapojigucchā parisuddhāM3.40 hoti no aparisuddhā , aggappattā ca sārappattā cā ’’ ti .

‘‘ Na kho , nigrodha , ettāvatā tapojigucchā aggappattā ca hoti sārappattā ca ;

api ca kho papaṭikappattā [ pappaṭikapattā ( ka .)] hotī ’’ ti .

Select Version

Pāthikavaggapāḷi

Pāthikavaggapāḷi