Nikkhepappayojanaṃ
Idāni
V0.72 kumārapañhānantaraṃ nikkhittassa maṅgalasuttassa atthavaṇṇanākkamo anuppatto , tassa idha nikkhepappayojanaṃ vatvā atthavaṇṇanaṃ karissāma .Seyyathidaṃ – idañhi suttaṃ iminā anukkamena bhagavatā avuttampi yvāyaṃ saraṇagamanehi sāsanotāro , sikkhāpadadvattiṃsākārakumārapañhehi
P0.89 ca sīlasamādhipaññāppabhedanayo dassito , sabbopesa paramamaṅgalabhūto , yato maṅgalatthikena ettheva abhiyogo kātabbo , so cassa maṅgalabhāvo iminā suttānusārena veditabboti dassanatthaṃ vuttaṃ .Idamassa idha nikkhepappayojanaṃ .