Anupubbavavatthānakāraṇaniddeso
Idāni anupubbavavatthāne , kāraṇañca viniddiseti ettha etesu ca tīsu saraṇavacanesu sabbasattānaṃ aggoti katvā paṭhamaṃ buddho , tappabhavato tadupadesitato ca anantaraṃ dhammo , tassa dhammassa ādhārakato tadāsevanato ca ante saṅgho .
Sabbasattānaṃ vā hite niyojakoti katvā paṭhamaṃ buddho , tappabhavato sabbasattahitattā anantaraṃ dhammo , hitādhigamāya paṭipanno adhigatahito cāti katvā ante saṅgho saraṇabhāvena vavatthapetvā pakāsitoti evaṃ anupubbavavatthāne kāraṇañca viniddise .