Paṭicchannaparivāsakathāvaṇṇanā
Paṭicchannaparivāsādikathāvaṇṇanā
108. Tatoti pāḷito .
108. Sace
V2.208 paṭicchannāti nikkhittavattenāpannāpattiṃ sandhāya vuttaṃ .Taṃ āpattin ti taṃ antarāpattiṃ .
Assāti bhikkhussa .
Nikkhittavatto bhikkhūti sambandho , hutvāti vā .
108.‘‘ Visuṃ mānatthaṃ caritabban ti mūlāya paṭikassanaṃ akatvā visuṃ kammavācāyā ’’ ti ca likhitaṃ .
Pāḷiyaṃ pañcāhappaṭicchannavāre antarāpattikathāyaṃ ‘‘ evañca pana , bhikkhave , chārattaṃ mānattaṃ dātabban ’’ ti idaṃ mūlāyapaṭikassanākammavācānantarameva dātuṃ vuttaṃ na hoti .
Mūlāyapaṭikassitassa pana pañcadivasāni parivasitvā yācitassa
M2.220 mānattacaraṇakāle āpannāya tatiyāya antarāpattiyā appaṭicchannāya mānattadānaṃ sandhāya vuttaṃ .
Evañca dinnamānattassa ekena chārattena pubbe dinnamānattāhi tīhi āpattīhi saha catassannampi āpattīnaṃ mānattaṃ ciṇṇameva hoti .Soti
M0.436 bhikkhu , ṭhito hutvāti sambandho .Tassā āpattiyāti tassā antarāpattiyā .
108. Visuṃ mānattaṃ caritabban ti mūlāyapaṭikassanaṃ akatvā visuṃ kammavācāya mānattaṃ gahetvā caritabbaṃ .
‘‘ Saṅghādisesāpattī ’’ ti vuttattā ekova , ekavatthumhi āpannā saṅghādisesā thullaccayadukkaṭamissakā nāma .
Paṭicchannā hotīti antarāpattipi paṭicchannā hoti
V2.88 .Tasmimpīti mūlāya paṭikassanepi .
Makkhitāti pisitā , dhaṃsitā vā .
Makkhiyanti pisiyanti , dhaṃsiyantīti vā makkhitā , parivutthadivasā .
Makkhadhammo nāma chādetukāmatā .
Tatoti pāḷito paranti sambandho .
Paratopi eseva nayo .
Evan tiādi nigamanaṃ .
Paṭicchannavāre dassitā hontīti sambandho .
‘‘ Ekāhappaṭicchannādivasena pañcā ’’ ti idaṃ ekāhappaṭicchannādīnaṃ catunnaṃ paccekaparivāsadānamānattadānaabbhānāni ekekaṃ katvā vuttaṃ .
‘‘ Antarāpattivasena catasso ’’ ti idampi mānattadānaabbhānāni tasmiṃ tasmiṃ mūlāyapaṭikassane ekattaṃ āropetvā vuttaṃ .
Sukkavissaṭṭhikathāvaṇṇanā niṭṭhitā .
Paṭicchannaparivāsakathāvaṇṇanā niṭṭhitā .