2. Mūlāyapaṭikassanārahavattakathā
86. Navakataraṃ mūlāyapaṭikassanārahaṃ ṭhapetvāti yojanā .
86. Attano
V0.467M0.511 attano navakataran ti pārivāsikādinavakataraṃ .
Paṭhamaṃ saṅghamajjhe parivāsaṃ gahetvā nikkhittavattena puna ekassapi santike samādiyituṃ , nikkhipituñca vaṭṭati .
Mānatte pana nikkhipituṃ vaṭṭati .
Ūne gaṇe caraṇadosattā na gahetunti eke .
Paṭhamaṃ ādinnavattaṃ ekassa santike yathā nikkhipituṃ vaṭṭati , tathā samādiyitumpi vaṭṭatīti porāṇagaṇṭhipade .Imesaṃ pañcannaṃ pakatattā evāti sambandho .
Nesan ti mūlāyapaṭikassanārahamānattārahamānattacārikaabbhānārahānaṃ catunnaṃ , mūlāyapaṭikassanārahādilakkhaṇanti sambandho .
Pārivāsikakkhandhakavaṇṇanā niṭṭhitā .
Etthāti mūlāyapaṭikassanārahassa vatte .
Itoti mūlāyapaṭikassanārahassa vattato .
3. Samuccayakkhandhakavaṇṇanā
Sukkavissaṭṭhikathāvaṇṇanā
87. Yatheva pārivāsiko gaṇapūrako na hoti , evaṃ etepi na hontīti yojanā .