Pakkhikabhattādikathāvaṇṇanā
Pakkhikabhattādikathāvaṇṇanā
Abhilakkhitesu catūsu pakkhadivasesu dātabbabhattaṃ pakkhikaṃ .
Abhilakkhitesūti ettha abhīti upasaggamattaṃ , lakkhaṇīyesu icceva attho , uposathasamādānadhammassavanapūjāsakkārādikaraṇatthaṃ lakkhitabbesu sallakkhetabbesu upalakkhetabbesūti vuttaṃ hoti .
Sve pakkhoti ‘‘ ajja pakkhikaṃ na gāhetabban ’’ ti pakkhikassa aniyamattā vuttaṃ .
‘‘ Sve
V2.239 pakkho ’’ ti ajja pakkhikaṃ na gāhetabban ti aṭṭhamiyā bhuñjitabbaṃ sattamiyā bhuñjanatthāya na gāhetabbaṃ , dāyakehi niyamitadivaseneva gāhetabbanti attho .
Tenāha ‘‘ sace panā ’’ tiādi .‘‘ Sve amhākaṃ ghare lūkhabhattaṃ bhavissatī ’’ ti potthakesu likhanti ,‘‘ pakkhabhattaṃ bhavissatī ’’ ti pāṭhena bhavitabbaṃ .
Sve lūkhan ti ajja āvāhamaṅgalādikaraṇato atipaṇītabhojanaṃ karīyati , sve tathā na bhavissati , ajjeva bhikkhū bhojessāmīti adhippāyo .
Uposathe dātabbaṃ bhattaṃ uposathikaṃ .
Pakkhikabhattato
M2.252 uposathikassa bhedaṃ dassento āha ‘‘ uposathaṅgāni samādiyitvā ’’ tiādi .Uposathadivase āpattidesanaṃ sandhāya ‘‘ parisuddhasīlānan ’’ ti āha .
Nibandhāpitan ti ‘‘ asukavihārassā ’’ ti niyamitaṃ .
Nibandhāpitan ti ‘‘ asukavihāre āgantukā bhuñjantū ’’ ti niyamitaṃ .
‘‘ Āgantukabhattampi gamikabhattampī ’’ ti āgantukova hutvā gacchantaṃ sandhāya vuttaṃ .
Gamiko āgantukabhattampīti gāmantarato āgantvā avūpasantena gamikacittena vasitvā puna aññattha gacchantaṃ sandhāya vuttaṃ .
Āvāsikassa pana gantukāmassa gamikabhattameva labbhati .
‘‘ Lesaṃ oḍḍetvā ’’ ti vuttattā lesābhāve yāva gamanaparibandho vigacchati , tāva bhuñjituṃ vaṭṭatīti ñāpitanti daṭṭhabbaṃ .
Anāthagilānupaṭṭhākopi tena dinnaṃ bhuñjati ce , tassapi pāpetabbameva .
Gāhetvā bhuñjitabban ti tasmiṃ senāsane vasantehi ṭhitikāya gāhetvā bhuñjitabbaṃ .
Taṇḍulādīnipesenti … pe … vaṭṭatīti abhihaṭabhikkhattā vaṭṭati .
Taṇḍulādīni pesenti … pe … vaṭṭatīti abhihaṭabhikkhattā vaṭṭati .
Tathā paṭiggahitattāti bhikkhānāmena paṭiggahitattā .
Tathā paṭiggahitattāti bhikkhānāmena paṭiggahitattā .
Pattaṃ pūretvā thaketvā dinnan ti ‘‘ guḷakabhattaṃ demā ’’ ti dinnaṃ .
Lekhaṃ katvā nibaddhāpitaṃ .
Avibhattaṃ saṅghikaṃ bhaṇḍan ti kukkuccuppattiākāradassanaṃ .
Evaṃ kukkuccaṃ katvā pucchitabbakiccaṃ natthi , apucchitvā dātabbanti adhippāyo .
Guḷapiṇḍepi … pe … dātabboti ettha guḷapiṇḍaṃ tālapakkappamāṇanti veditabbaṃ .
Guḷapiṇḍaṃ tālapakkamattaṃ .
Sesamettha suviññeyyamevāti .
Pakkhikabhattādikathāvaṇṇanā niṭṭhitā .
Senāsanakkhandhakavaṇṇanā niṭṭhitā .
Senāsanakkhandhakavaṇṇanā niṭṭhitā .
Senāsanakkhandhakavaṇṇanānayo niṭṭhito .