9. Adhikaraṇavūpasamanasamathakathā
228. Catuvaggakaraṇe kammeti sīmasammutiādikamme .
Pañcavaggakaraṇeti paccantimesu janapadesu upasampadādikamme .
Dasavaggakaraṇeti majjhimesu janapadesu upasampadakamme .
Vīsativaggakaraṇeti abbhānakamme .
Kammappattāti kammassa pattā yuttā anurūpā .
228. Vivādasaṅkhāte
M3.380 atthe paccatthikā atthapaccatthikā .
228. Sammukhāvinayasmin ti sammukhāvinayabhāve .
228. PāḷiyaṃM2.227 vivādādhikaraṇaṃ ekaṃ samathaṃ anāgammātiādi pucchā .
Siyātiādi vissajjanaṃ .
Siyātissa vacanīyan ti eteneva vūpasamaṃ siyāti vattabbaṃ bhaveyyāti attho .
Sammukhāvinayasmin ti sammukhāvinayattasminti bhāvappadhāno niddeso daṭṭhabbo .
Evaṃ sabbavāresu .
‘‘ Kārako ukkoṭetī ’’ ti idaṃ upalakkhaṇamattaṃ , yassa kassaci ukkoṭentassa pācittiyameva .
Ubbāhikāya khīyanake pācittiyaṃ na vuttaṃ tattha chandadānassa natthitāya . 230. Sampaṭicchitabban ti
M0.447 paṭiggaṇhitabbaṃ .
Sampaṭicchitvā ca pana atikkāmetabbanti sambandho .
230. Antarenāti kāraṇena .
230.‘‘ Antarenāti kāraṇenā ’’ ti likhitaṃ .Bhaṇḍakan ti cīvarādibhaṇḍakaṃ .
Mānaniggahatthāyāti bhaṇḍanajātānaṃ mānassa niggahatthāya .
Katipāhan ti katipayāhaṃ , dvīhatīhanti attho .
231. Anantāni ceva bhassānīti ettha anantasaddo aparimāṇasaddena atthato ekoti āha ‘‘ aparimāṇānī ’’ ti .
‘‘ Vacanānī ’’ ti iminā bhassa saddo vacanapariyāyoti dasseti .
231. Ubbāhikāya khīyanake pācitti na vuttā tattha chandadānassa natthitāya .
Ubbāhikāya sammanitabboti kena sammanitabboti āha ‘‘ apaloketvā vā ’’ tiādi .
Iminā apalokanakammena vā ñattidutiyakammena vā sammanitabboti dasseti .
Anantāni bhassāni dhammakathikaṃ uddharitvā bāhati paṭisedheti imāya sammutiyāti ubbāhikā , tāya .
Evaṃ sammatehi pana bhikkhūhi vinicchitabbanti sambandho .
Visuṃ nisīditvā tassāyeva parisāya nisīditvā vāti yojanā .
Aññehīti sammatabhikkhūhi aññehi .
233. Tatrassāti ettha tatra assāti padavibhāgaṃ katvā tasaddo parisavisayo pasiddhavisayo , assasaddo ākhyātikoti āha ‘‘ tassaṃ parisati bhaveyyā ’’ ti .
233. Ubbāhikāya khiyyanake pācitti na vuttā tattha chandadānassa natthitāya .
‘‘ Neva suttaṃ āgatan ’’ ti sāmaññato vuttepi ‘‘ no suttavibhaṅgo ’’ ti vakkhamānattā mātikaṃ sandhāya vuttanti āha ‘‘ na mātikā āgatā ’’ ti .
Vinayopīti khandhakavinayopi .
Pisaddena suttavibhaṅgaṃ apekkhati .
Byañjanacchāyāyāti ettha chāyā saddo paṭibimbe ca pabhāya ca hotīti āha ‘‘ byañjanamattamevā ’’ ti , byañjanapaṭibimbikabyañjanapabhāvantabhūtaṃ atthaṃ aggahetvā byañjanapaṭibimbabyañjanapabhāmattameva
V2.98 gahetvāti adhippāyo .
‘‘ Paṭisedhetī ’’ ti iminā paṭibāha saddo paṭisedhatthoyeva , na maddanatthoti dasseti .
Paṭibāhanākāraṃ dassento āha ‘‘ jātarūparajatakhettavatthupaṭiggahaṇādīsū ’’ tiādi .
Kin ti kena kāraṇena , kasmā kāraṇā vā .
Imeti jātarūpādipaṭiggāhake bhikkhū .
Kārethāti tumheM0.448 kāreyyātha .
Eyyāthassa hi ethādeso .
Pucchāyaṃ sattamīvibhatti hoti .
Sutteti suttantapiṭake .Aparo dhammakathiko vadatīti sambandho .
Imesan ti olambetvā nivāsentānaṃ .
Etthāti olambetvā nivāsane .
234. Bahutarā bhikkhūti ettha dviguṇatiguṇādinā adhikā eva bahutarā nāmāti āha ‘‘ ekenapi adhikā bahutarāvā ’’ ti .
‘‘ Ko pana vādo ’’ tiādinā ‘‘ ekenapī ’’ ti ettha pisaddassa garahatthaṃ dasseti .