2. Niyassakammakathā
Niyassakammakathāvaṇṇanā
Niyassakammakathādivaṇṇanā
11. Apissu bhikkhū pakatāti ettha nipātānamanekatthattā idha apissusaddo niccattho hoti .
Pakatasaddo ‘‘ kukkuccapakatā ’’ tiādīsu ( pārā . aṭṭha .1. tatiyasaṅgītikathā ; pāci . aṭṭha .438) abhibhavanattho , idha pana byāvaṭatthoti dassento āha ‘‘ niccaṃ byāvaṭā hontī ’’ ti .
11. Niyassakamme ‘‘ nissāya te vatthabban ti garunissayaṃ sandhāya vuttaṃ , na itaran ’’ ti kenaci likhitaṃ .
Gaṇṭhipade pana ‘‘ niyassakammaṃ yasmā bālavasena karīyati , tasmā nissāya vatthabbanti
V3.334 nissayaṃ gāhāpetabbo ’’ ti vuttaṃ , vīmaṃsitvā yuttataraṃ gahetabbaṃ .
Apissūti ettha su iti nipātamattaṃ , bhikkhū api niccabyāvaṭā hontīti vuttaṃ hoti .
11.‘‘ Nissāya te vatthabban ’’ ti garunissayaṃ sandhāya vuttaṃ , na itaranti .
11. Niyassakamme pāḷiyaṃ apissūti apicāti imasmiṃ atthe nipātasamudāyo .
NissāyaV2.202 te vatthabban ti ettha keci kalyāṇamittāyattavuttitaṃ sandhāya vuttanti vadanti , aññe pana nissayaggahaṇamevāti , ubhayenapissa serivihāro na vaṭṭatīti dīpitanti daṭṭhabbaṃ .