5. Dhammikādhammikapātimokkhaṭṭhapanakathā
387. Tena puggalenāti tena cuditakena puggalena .
Sā vipattīti sīlavipattiādisaṅkhātā sā vipatti .
Saññāamūlikavasenāti ‘‘ katā ’’ iti saññāya amūlikavasena .
387. Katañca akatañca ubhayaṃ gahetvāti yassa ekantena katāpi atthi , akatāpi atthi , tassa tadubhayaṃ gahetvā .
Katañcāti ekantena katañca .
Akatañcāti ekantena akatañca .
387. Katañca akatañca ubhayaṃ gahetvāti yassa katāpi atthi akatāpi .
Tassa tadubhayaṃ gahetvā .
Kopetukāmatāya neva āgacchatīti sambandho .
Tenāti anāgamanādikāraṇena .
Āpajjatīti pātimokkhaṭṭhapanako āpajjati .
Dhammikaṃ sāmaggin ti dhammikaṃ samaggakammaṃ .
Iccassāpīti iti evaṃ assa pātimokkhaṭṭhapanakassāpi
V2.168 .Paccādiyatīti pati ādiyati ,‘‘ akataṃ kammaṃ , puna kātabbaṃ kamman ’’ tiādinā puna ādīyati , puna ārabhatīti attho .
Paccādiyatīti ukkoṭanādhippāyena puna kātuṃ ādiyati .
6. Dhammikapātimokkhaṭṭhapanakathā