3. Amūḷhavinayakathā
Paṭiññātena karaṇaṃ paṭiññātakaraṇaṃ .
Amūḷhavinayakathāvaṇṇanā
196. Bhāsitaparikantan ti
V2.91 ettha bhāsitaparikantasaddānaṃ karaṇāpekkhattā visuṃ karaṇaṃ dassento āha ‘‘ vācāya bhāsitaṃ , kāyena parikantan ’’ ti .
‘‘ Parikkametvā katan ’’ ti iminā parikamatīti parikantaṃ , parikantaṃ hutvā kataṃ parikantan ti vacanatthaṃ dasseti .
Parikkametvāti atikkamitvā .
195-200.
Desanāmattamevetan ti ‘‘ pañcimānī ’’ ti etaṃ desanāmattaṃ .
196. Cittavipariyāsakatoti katacittavipariyāso .
Gaggaṃ bhikkhuṃ … pe … codentīti ettha pana ummattakassa idaṃ ummattakaṃ , ajjhāciṇṇaṃ .
Tadeva cittavipariyāsena katanti cittavipariyāsakataṃ .
Tena ummattakena cittavipariyāsakatena ajjhāciṇṇena anācārena āpannāya āpattiyā gaggaṃ bhikkhuṃ codentīti evamattho daṭṭhabbo .Saratāyasmāti ettha ukāralopasandhiṃ dassento āha ‘‘ saratu āyasmā ’’ ti .
‘‘ Evarūpiyā āpattiyā ’’ ti iminā āpajjitāti ettha tupaccayayogabhāvato kammatthachaṭṭhiyāpi sambhavabhāvaṃ dasseti .
Tupaccayayoge kammatthachaṭṭhī aniccaṃ hoti , tasmā pāḷiyaṃ ‘‘ evarūpiyā āpattiyā ’’ ti kammatthachaṭṭhībhāvena avatvā ‘‘ evarūpiṃ āpattin ’’ ti kammatthadutiyābhāvena vuttanti daṭṭhabbaṃ .
Sativepullappattassa khīṇāsavassa dātabbo vinayo sativinayo .
Paṭhamaṃ mūḷho hutvā pacchā amūḷhabhāvaṃ upagatassa dātabbo vinayo amūḷhavinayo .
Tassāti ‘‘ āpajjitvā ’’ ti pāṭhassa .
‘‘ Paṭhamaṃ pacchā ’’ ti padehi adhippāyatthaṃ dasseti .
Amūḷhassa dātabbo vinayo amūḷhavinayo .
Paṭiññātena karaṇaṃ paṭiññātakaraṇaṃ .
Codakassa kathaṃ vineti vināsetīti vinayo , codakassa kathaṃ vineti vināseti anenāti vā vinayo .
Paṭhamaṃ mūḷhabhāvaṃ upagantvā pacchā amūḷhassa dātabbo vinayo amūḷhavinayo .