1. Āgantukavattakathā
357. Vattakkhandhake
V2.161 ārāman ti upacārasīmaṃ sandhāya vuttanti āha ‘‘ upacārasīmasamīpan ’’ ti .
356-357.
VattakkhandhakeM3.423V3.386 uparipiṭṭhitoti piṭṭhisaṅghāṭassa uparibhāgato , dvārabāhassa uparipadesatoti attho .
Vissajjetabban ti sukkhāpanatthaṃ ātape vissajjitabbaṃ .
Abhivādāpetabboti tassa vasse pucchite yadi daharo hoti , sayameva vandissati , tadā imināva vandāpito nāma hoti .
Nilloketabboti oloketabbo .
Yathābhāgan ti pubbe paññattaṃ padesabhāgaṃ anatikkamitvā .
Santānakan ti uṇṇanābhisuttaṃ .
Ullokāti gehassa uparibhāgato paṭṭhāya , paṭhamaṃ uparibhāgo sammajjitabboti vuttaṃ hoti .
Āvāsikavattakathāvaṇṇanā
357. EkasmiṃM0.535V0.487 gāme aññavihārato āgatopi āgantukova .
Tattha keci evaṃ vadanti ‘‘ āvāsiko katthaci gantvā sace āgato ,‘ tenāpi āgantukabhattaṃ bhuñjitabban ’ ti vuttattā dūrāgamanaṃ vuttaṃ hoti , na gāme , tasmā na yuttan ’’ ti .
Te vattabbā ‘‘ āgantukabhattaṃ nāma gahaṭṭhehi ṭhapitaṃ .
Yasmiṃ nibaddhaṃ , tato aññagāmatoti āpannaṃ .
Tathā vihārādhikārattā aññavihārato āgatopi āgantuko vā ’’ ti ācariyānaṃ sanniṭṭhānaṃ .
357. VattakkhandhakeM2.258V2.245 pattharitabban ti ātape pattharitabbaṃ .Pāḷiyaṃ abhivādāpetabboti vandanatthāya vassaṃ pucchanena navako sayameva vandatīti vuttaṃ .
‘‘ Gahetvā ’’ ti padassa ‘‘ upāhanā ’’ ti kammaṃ pākaṭaṃ , karaṇaṃ pana apākaṭaṃ .
Tasmā karaṇaṃ dassento āha ‘‘ upāhanadaṇḍakena gahetvā ’’ ti .
Iminā ‘‘ hatthenā ’’ ti karaṇaṃ nivatteti .
Nilloketabboti oloketabbo .
Paṭikkamantīti ettha pavisantīti ca apakkamantīti ca atthaṃ paṭikkhipanto āha ‘‘ sannipatantī ’’ ti .
Upāhanā … pe … pucchitabbāti ettha ‘‘ pucchitabbā ’’ ti padassa saha kammena pucchitabbākāraṃ dassento āha ‘‘ katarasmiṃ ṭhāne ’’ tiādi .
Tattha ‘‘ katarasmiṃ … pe … coḷakan ’’ ti iminā pucchitabbākāraṃ dasseti .
‘‘ Āvāsikā bhikkhū ’’ ti iminā kammaṃ dasseti .
‘‘ Pattharitabban ’’ ti iminā vissajjetabban ti ettha sajadhātuyā cajanatthaṃ
M0.525 paṭikkhipati .Gocaro pucchitabboti ettha gocarasaddo bhikkhācārasaddena atthato ekanti dassento āha ‘‘ bhikkhācāro pucchitabbo ’’ ti .
Bhikkhāya caranti etthāti bhikkhācāro , gocaragāmo .
Pānīyaṃ pucchitabbaṃ , paribhojanīyaṃ pucchitabban ti uddharitvā ghaṭasarāvādigataṃ sandhāya paṭhamaṃ , dutiyaṃ kūpataḷākādigatanti ācariyo .
Dutiyavāre attano vasanaṭṭhānattā visuṃ pucchitabbameva , tasmā vuttaṃ etaṃ ‘‘ paricchinnabhikkho vā gāmo ’’ ti .
Bahūsu potthakesu duvidhāpi yujjati .
Yatthāti yasmiṃ gāme .
‘‘ Kin ’’ tiādinā pānīyaṃ pucchitabban tiādīsu pucchitabbākāraṃ dasseti .
Kaṃ kālan ti kasmiṃ kāle .
Bahi nikkhamantassāti vihārato bahi nikkhamantassa .
Nilloketabboti oloketabbo .
‘‘ Yadi sakkotī ’’ ti iminā sace ussahatīti ettha sacesaddo yadipariyāyo , ussahatisaddo sakkoti pariyāyoti dasseti .
Sakkontassa vihārasodhanavatteti sambandho .
Āgantukavattakathāvaṇṇanā niṭṭhitā .