Tassapāpiyasikāvinayakathā
238. Pārājikasāmantaṃ
V2.99 nāmāti pārājikassa āsannaṃ nāma .
Adinnādānādīsūti ādisaddena manussaviggaha uttarimanussadhammapārājike saṅgaṇhāti .
238.‘‘ KāV3.347 ca tattha tassapāpiyasikāyā ’’ ti potthakesu likhanti .
‘‘ Kā ca tassapāpiyasikā ’’ ti evaṃ panettha pāṭho veditabbo .
238.‘‘ KāM0.521 ca tassa pāpiyasikā ’’ ti kira pāṭho .Nibbeṭhayamānan ti veṭhanarahitaṃ , tamenaṃ bhikkhunti sambandho .
Iminā nibbeṭhentan ti ettha antasaddo mānasaddapariyāyoti dasseti .
Ativeṭhetīti ettha kehi ativeṭhetīti āha ‘‘ iṅghāyasmātiādivacanehī ’’ ti .
Tenāti codakena .
Man ti mamaṃ .
Āhāti cuditako āha .
Etassāti avajānanapaṭijānanādikārakassa pāpiyassa puggalassa .
Sīlavā bhavissatīti pāpiyo puggalo sace sīlavā bhavissati .
Paṭippassaddhin ti pāpiyabhāvato paṭippassambhanaṃ .
No ceti sīlavā no bhavissati ce .
Tathā nāsitoti tena tassa pāpiyasikakammakaraṇena nāsaṃ gato bhavissati .
Sabbatthāti sabbasmiṃ samathakkhandhake .
Iti samathakkhandhakavaṇṇanāya yojanā samattā .