7. Attādānaaṅgakathā
Attādānaaṅgakathādivaṇṇanā
398. Attādānaṃ ādātukāmenāti ettha kiṃ attādānanti āha ‘‘ sāsanaṃ sodhetukāmo ’’ tiādi .
Iminā paraṃ codetuṃ attanā ādātabbaṃ adhikaraṇaṃ attādānan ti vuccatīti dasseti .
398. Paraṃ
M3.435 codetuṃ attanā ādātabbaṃ gahetabbaṃ adhikaraṇaṃ attādānaṃ .
Tenāha ‘‘ sāsanaṃ sodhetukāmo ’’ tiādi .
398. Puna codetuṃ attanā ādātabbaṃ gahetabbaṃ adhikaraṇaṃ attādānanti āha ‘‘ sāsanaṃ sodhetukāmo ’’ tiādi .Akālo
M0.533 imaṃ attādānaṃ ādātun ti ettha akālaṃ dassento āha ‘‘ rājabhayan ’’ tiādi .
Tattha vassārattoti vassakālo .
So hi vasso ativiya rañjati ettha kāleti vassārattoti vuccati .
Vassārattopi adhikaraṇavūpasamatthaṃ lajjiparisāya dūrato ānayanassa dukkarattā akālo nāma .
Itīti ayaṃ rājabhayādikāloti attho .
Viparītoti rājabhayādīnaṃ abhāvakālo .
Vassārattoti vassakālo .
Vassārattoti vassakālo .
Sopi hi dubbhikkhādikālo viya adhikaraṇavūpasamatthaṃ lajjiparisāya dūrato ānayanassa , āgatānañca piṇḍāya caraṇādisamācārassa dukkarattā akālo eva .Abhūtaṃ idaṃ attādānan ti ettha abhūtasaddo avijjamānapariyāyoti āha ‘‘ asantamidan ’’ ti , idaṃ attādānaṃ avijjamānanti attho .
Mayā gahitoti sambandho .
Sīlavā puggaloti yojanā .
Yan ti attādānaṃ saṃvattatīti sambandho .
Idan ti attādānaṃ .
Na labhissāmi sandiṭṭhe , labhissāmi sandiṭṭheti ettha ‘‘ na labhissāmi , labhissāmī ’’ ti idaṃ kiṃ sandhāya vuttanti āha ‘‘ appekadā hī ’’ tiādi .
Tattha appekadāti api ekadā .
Hi saddo vitthārajotako .
Evarūpāti sandiṭṭhasambhattasabhāvā .
Tan ti upatthambhakabhikkhulabhanaṃ sandhāyāti sambandho .
‘‘ Na labhissāmī ’’ ti idaṃ vacanaṃ vuttanti sambandho .
Kosambakānaṃ bhaṇḍanādi bhavati viya bhaṇḍanādi bhavissatīti yojanā .
Pacchāpi avippaṭisārakaraṃ bhavissatīti ettha kesaṃ avippaṭisārakaraṃ bhavati viya pañcaṅgasampannāgataṃ attādānaṃ
V2.169 ādiyato pacchāpi avippaṭisārakaraṃ bhavatīti āha ‘‘ subhaddaṃ vuḍḍhapabbajitan ’’ tiādi .
Tattha pañcasatikasaṅgītin ti pañcasatehi mahākassapādīhi kattabbaṃ saṅgītiṃ .
Mahākassapattherassa pacchā samanussaraṇakaraṃ hoti iva hotīti yojanā .
Eseva nayo sesesupi .
Samanussaraṇakaran ti sammodavasena punappunaṃ anussaraṇassa karaṃ .
Iminā ‘‘ avippaṭisārakaran ’’ ti padassa atthaṃ dasseti .
Pacchāpīti ettha pisaddassa avuttasampiṇḍanatthaṃ dassento āha ‘‘ sāsanassa cā ’’ tiādi .
Tattha sāsanassa ca sassirikatāyāti sambandho .
Vigataupakkilesacandimasūriyānaṃ viya sāsanassa ca sassirikatāya saṃvattatīti adhippāyo .
Samanussaraṇakaraṇan tiV2.250 anussaritānussaritakkhaṇe pītipāmojjajananato anussaraṇuppādakaṃ .
Vigatūpakkilesa … pe … saṃvattatīti ettha yathāM2.263 abbhahimādiupakkilesavirahitānaṃ candimasūriyānaṃ sassirīkatā hoti , evamassāpi codakassa pāpapuggalūpakkilesavigamena sassirīkatā hotīti adhippāyo .