Nimantanabhattakathāvaṇṇanā
Nimantanabhattakathāvaṇṇanā
‘‘ Ettake bhikkhū saṅghato uddisitvā dethā ’’ tiādīni avatvā ‘‘ ettakānaṃ bhikkhūnaṃ bhattaṃ gaṇhathā ’’ ti vatvā dinnaṃ saṅghikaṃ nimantanaṃ nāma .
Piṇḍapātikānampi vaṭṭatīti bhikkhāpariyāyena vuttattā vaṭṭati .
Paṭipāṭiyāti laddhapaṭipāṭiyā .
Paṭipāṭiyāti yathāladdhapaṭipāṭiyā .
Vicchinditvāti ‘‘ bhattaṃ gaṇhathā ’’ ti padaṃ avatvā .
Tenevāha ‘‘ bhattanti avadantenā ’’ ti .
Vicchinditvāti bhattaṃ gaṇhathāti padaṃ avatvā .
Vicchinditvāti
M2.250 ‘‘ bhattaṃ gaṇhathā ’’ ti padaṃ avatvā .
Tenevāha ‘‘ bhattanti avadantenā ’’ ti .Ālopasaṅkhepenāti ekekapiṇḍavasena .
Ayañca nayo nimantaneyeva , na uddesabhatte .
Tattha hi ekassa pahonakappamāṇaṃyeva bhājetabbaṃ , tasmā uddesabhatte ālopaṭṭhitikā nāma natthi .
Ālopasaṅkhepenāti ayaṃ nayo nimantanāyameva , uddesabhatte pana ekassa pahonakappamāṇe eva ṭhitikā tiṭṭhati .
Ālopasaṅkhepenāti ekekapiṇḍavasena , evañca bhājanaṃ uddesabhatte na vaṭṭati .
Tattha hi ekassa pahonakappamāṇeneva bhājetabbaṃ .
Acchatīti tiṭṭhati .
‘‘ Ekavāran ti yāva tasmiṃ āvāse vasanti bhikkhū , sabbe labhantī ’’ ti gaṇṭhipadesu vuttaṃ .
Ayaṃ panettha adhippāyo – ekavāranti na ekadivasaṃ sandhāya vuttaṃ , yattakā pana bhikkhū tasmiṃ āvāse vasanti , te sabbe .
Ekasmiṃ divase gahitabhikkhū aññadā aggahetvā yāva ekavāraṃ sabbe bhikkhū bhojitā honti , tāva ye jānanti , te gahetvā gantabbanti .
‘‘ Ekavāran ti yāva tasmiṃ āvāse vasanti bhikkhū , sabbeva labhantī ’’ ti likhitaṃ .
Āruḷhāyeva mātikaṃ , saṅghato aṭṭha bhikkhūti ettha ye mātikaṃ āruḷhā , te aṭṭha bhikkhūti yojetabbaṃ .
Uddesabhattanimantanabhattādisaṅghikabhattamātikāsu nimantanabhattamātikāya ṭhitivasena āruḷhe bhattuddesakena vā sayaṃ vā saṅghato uddisāpetvā gahetvā gantabbaṃ , na attano rucite gahetvāti adhippāyo .
Mātikaṃ āropetvāti ‘‘ saṅghato gaṇhāmī ’’ tiādinā vuttamātikābhedaṃ dāyakassa viññāpetvāti attho .
Paṭibaddhakālato pana paṭṭhāyāti tattheva vāsassa nibaddhakālato paṭṭhāya .
Nimantanabhattakathāvaṇṇanā niṭṭhitā .