Samodhānaparivāsakathā
Agghasamodhānaparivāsakathāvaṇṇanā
Samodhānaparivāsakathāvaṇṇanā
125. Tatoti paṭicchannavārato , paraṃ dassitanti sambandho .
125.‘‘ Yasmā paṭicchannā antarāpattī ’’ ti idaṃ samodhānaparivāsadānassa kāraṇavacanaṃ , na pana ciṇṇaparivutthadivasānaṃ makkhitabhāvassa , appaṭicchannāya antarāpattiyā mūlāyapaṭikassane katepi tesaṃ makkhitabhāvasambhavato .
Tasmā ‘‘ mānattaciṇṇadivasāpi parivutthadivasāpi sabbe makkhitāva hontī ’’ ti imassānantaraṃ ‘‘ samodhānaparivāso cassa dātabbo ’’ ti evamettha yojanā kātabbā .
Tenāha ‘‘ tenevā ’’ tiādi .
Ettha cāti etasmiṃ vāre ca .
Tasmā sabbe makkhitāva hontīti yojanā .
Yasmāti yasmā kāraṇā , yena kāraṇena vā .
Tenevāti teneva kāraṇena , tasmā kāraṇā vā ,‘‘ mūlāya … pe … detū ’’ ti vuttanti yojanā .
Tatoti vārato paraṃ niṭṭhāpitanti sambandho .
Samodhānaparivāsakathāvaṇṇanā niṭṭhitā .