Aññatraparibhogapaṭikkhepādikathā
Aññatraparibhogapaṭikkhepādikathāvaṇṇanā
Aññatraparibhogapaṭikkhepādikathāvaṇṇanā
324. Nātiharantīti ettha atisaddo haraṇattho , harasaddo paribhuñjanatthoti āha ‘‘ aññatra haritvā na paribhuñjantī ’’ ti .
Yaṃ mañcapīṭhādīti yojanā .
Tatthāti undriyamahāvihāre .
Tan ti mañcapīṭhādiṃ .
Tasmāti yasmā anujānāti , tasmā .
Tan ti mañcapīṭhādiṃ .
Aññatrāti aññaṃ vihāraṃ .
Arogan ti anaṭṭhājiṇṇattā arogaṃ .
Tasmiṃ vihāreti undriyavihāre .
Tasmin ti undriyavihāre .
Tatoti undriyavihārato .
Suyojitānīti suṭṭhu yojitāni .
Mūladānaṃ vā paṭipākatikaṃ vā natthīti adhippāyo .
Chaḍḍitavihāratoti bhikkhūhi anapekkhena chaḍḍitasaṅghikavihārato ca puggalena sāpekkhena chaḍḍitapuggalikavihārato ca .
Āvāsikakāleti āvāsikānaṃ ṭhitakāle .
Tatoti chaḍḍitavihārato .
Phātikammatthāyāti ettha phātisaddo vaḍḍhanatthoti āha ‘‘ vaḍḍhikammatthāyā ’’ ti .
Etthāti ‘‘ phātikammatthāyā ’’ ti pāṭhe .
324. Vaḍḍhikammatthāyāti yathā tammūlagghato na parihāyati , evaṃ kattabbassa evaṃ nipphādetabbassa mañcapīṭhādino atthāya .
Cakkalikan ti cakkākārena lāti pavattati , cakkākāraṃ vā lāti gaṇhātīti cakkalaṃ , tadeva cakkalikaṃ , pādapuñjanaṃ ,‘‘ kambalādīhi veṭhetvā katan ’’ ti iminā tassa karaṇākāraṃ dasseti .
324. Cakkalikan ti kambalādīhi veṭhetvā cakkasaṇṭhānena pādapuñchanayoggaṃ kataṃ .
Cakkalikan ti pādapuñchanatthaṃ cakkākārena kataṃ .
Yehīti pādehi
M0.500 .
Udakan ti senāsanassa tintakaṃ udakaṃ .
Paribhaṇḍakatā bhūmi nāma saṇhamattikāhi katā kāḷavaṇṇādibhūmi .
Senāsanaṃ mañcapīṭhādi .
Paribhaṇḍakatabhūmi vāti kāḷavaṇṇādikatasaṇhabhūmi vā .
Senāsanaṃ vāti mañcapīṭhādi vā .Udakaṃ na paññāyatīti yojanā .
Saupāhanena akkamituṃ na vaṭṭatīti yojanā .
Sudhābhūmiyan ti sudhāya littāyaṃ bhūmiyaṃ .
Paribhaṇḍabhūmiyan ti gomayakasāvaparibhaṇḍabhūmiyaṃ .
Pādāti mañcapādā .
Tasmin ti coḷake .
Ṭhapentassāti mañcapāde ṭhapentassa .
Tatthāti tesu bhikkhūsu
V2.140 .
Nevāsikāti nibaddhaṃ vasantīti nevāsikā .
Ṭhapentīti mañcapāde ṭhapenti .
Tathevāti yathā nevāsikā vaḷañjanti , tatheva āgantukehi vaḷañjituṃ vaṭṭatīti attho .
Tatheva vaḷañjetuṃ vaṭṭatīti aññehi āvāsikabhikkhūhi paribhuttanīhārena paribhuñjituṃ vaṭṭati .
‘‘ Nevāsikā pakatiyā anatthatāya bhūmiyā ṭhapenti ce , tesampi anāpattiyevā ’’ ti gaṇṭhipadesu vuttaṃ .
‘‘ TathevaV2.236 vaḷañjetuṃ vaṭṭatī ’’ ti iminā nevāsikehi dhotapādādīhi vaḷañjanaṭṭhāne sañcicca adhotapādādīhi vaḷañjantasseva āpatti paññattāti dasseti .Setabhitti vāti ettha vāsaddena nīlabhittiādayo sampiṇḍeti .
‘‘ Dvārampi vātapānampī ’’ tiādinā sāmaññato vuttattā dvāravātapānādayo aparikammakatāpi na apassayitabbā .
Kenaci vā vatthādināti sambandho .
Dvārampītiādinā vuttadvāravātapānādayo aparikammakatāpi na apassayitabbā .
‘‘ Dvārampī ’’ tiādinā sāmaññato vuttattā dvāravātapānādayo aparikammakatāpi na apassayitabbā .
‘‘ Hutvā ’’ ti iminā ‘‘ dhotapādakā ’’ ti padassa ‘‘ nipajjitun ’’ ti pade kiriyāvisesanabhāvaṃ dasseti ,‘‘ bhikkhū ’’ ti pade kārakavisesanabhāvaṃ nivatteti .
Kasmiṃ ṭhāne nipajjituṃ kukkuccāyantīti āha ‘‘ dhotehi pādehi akkamitabbaṭṭhāne ’’ ti .
‘‘ Akkamitabbaṭṭhānassetaṃ adhivacanan ’’ ti iminā ‘‘ dhotapādake ’’ ti pāṭhassa dhoto pādo tiṭṭhati ettha ṭhāneti dhotapādakaṃ , tasmiṃ dhotapādaketi atthaṃ dasseti .
Etan ti ‘‘ dhotapādake ’’ ti nāmaṃ .
‘‘ Paccattharitvā ’’ ti ettha kena paccattharitvāti āha ‘‘ paccattharaṇenā ’’ ti .
‘‘ Attano santakenā ’’ ti iminā saṅghikena paccattharaṇena paccattharaṇaṃ paṭikkhipati .
Niddāyatopīti niddāyakāraṇāpi , saṃkuṭiteti sambandho .
Atha vā niddāyatopīti niddāyantassapi .
‘‘ Sarīrāvayavo ’’ ti pade sāmyatthachaṭṭhī ,‘‘ āpattiyevā ’’ ti pade sampadānaṃ .
Lomesu phusantesūti sambandho .
Lomesūti lomesu phusantesu .
Ajānitvā apassayantassapi idha lomagaṇanāya āpatti .
‘‘ Paribhogasīsenā ’’ ti iminā paribhogaṃ akatvā kenaci kammena sarīrāvayavena phusantassa anāpattīti dasseti .
Hatthatalena phusituṃ pādatalena phusituṃ vā akkamituṃ vāti yathālābhayojanā daṭṭhabbā .
‘‘ Paribhogasīsenā ’’ ti padassa atthaṃ dassento āha ‘‘ mañcapīṭhaṃ nīharantassā ’’ tiādi .
Aññatraparibhogapaṭikkhepādikathāvaṇṇanā niṭṭhitā .