2. Āvāsikavattakathā
Āvāsikavattakathāvaṇṇanā
359. Āvāsikavatte evaṃ vinicchayo veditabboti yojanā .
Sabbaṃ kātabbanti sambandho .
359. Mahāāvāseti mahāvihārasadise mahāāvāse .
359.‘‘ Yathābhāgan ’’ ti ṭhapitaṭṭhānaṃ anatikkamitvā mañcapīṭhādiṃ papphoṭetvā pattharitvā upari paccattharaṇaṃ datvā dānampi senāsanapaññāpanamevāti dassento āha ‘‘ papphoṭetvā hi pattharituṃ pana vaṭṭatiyevā ’’ ti .
Tassāti vuḍḍhatarassa āgantukassa .
‘‘ Paṇḍito ’’ tiādinā sace bālo ‘‘ sammajjāhi tāva cetiyaṅgaṇan ’’ ti na vadati , sammajjaniṃ nikkhipitvā tassa vattameva kātabbanti dasseti .
Bhesajjameva kātabban ti sahāvadhāraṇena vuttattā bālo ‘‘ karohi tāva bhesajjan ’’ ti avadantopi bhesajjameva kātabbaṃ .
‘‘ Paṇḍito hī ’’ tiādinā pana āgantukassa vattabbabhāvamattameva
V2.162 dasseti .Pāḷimuttakavattaṃ dassento āha ‘‘ apicā ’’ tiādi .
Bījanenāti bījaniyā .
‘‘ Bījanan ’’ ti hi napuṃsakaliṅgo ,‘‘ bījanī ’’ ti itthiliṅgo .
‘‘ Bījitabbo ’’ ti ca ‘‘ bījitabban ’’ ti ca iminā aṭṭhakathāvacanena bījiyati anenāti bījanaṃ , bījiyati etāyāti bījanīti vacanattho kātabbo .
Assāti vuḍḍhataraāgantukassa .
Makkhetabbāti añjetabbā .
Hīti saccaṃ .
Etthāti upāhanapuñchane .
Katthāti kasmiṃ vihāre .
Pucchitena āvāsikenāti sambandho .
359.‘‘ Yathābhāgan ’’ ti ṭhapitaṭṭhānaṃ anatikkamitvā mañcapīṭhādiṃ papphoṭetvā pattharitvā upari paccattharaṇaṃ datvā dānampi senāsanapaññāpanamevāti dassento āha ‘‘ papphoṭetvā hi pattharituṃ pana vaṭṭatiyevā ’’ ti .
‘‘ Attano santikaṃ … pe … na labhatī ’’ ti iminā attānaṃ sandhāya anāgacchantopi attano santikaṃ sampattassa āgantukassa vattaṃ akātuṃ na labhatīti dasseti .
Āvāsikavattakathāvaṇṇanā niṭṭhitā .