4. Anumodanavattakathā
362. Iddhaṃ ahosīti ettha idhadhātuyā vaḍḍhanatthaṃ paṭikkhipanto āha ‘‘ sampannaṃ ahosī ’’ ti .
Saṅghatthere nisinneti sambandho .
Anuthere anumodanatthāya nisinneti yojanā .
362. Pañcame nisinneti anumodanatthāya nisinne .
362. Pañcame nisinneti anumodanatthāya nisinne .
Saṅghattherena ajjhiṭṭhepīti sambandho .
Anumodako vadatīti sambandho .
Anu punappunaṃ , pacchā vā dāyake dhammakathāya modetīti anumodako .
‘‘ Gacchathā ’’ ti sace vadati anumodakoti yojanā .
Tassāti anumodakassa .
Manussā kārentīti sambandho .
‘‘ Ekenā ’’ ti padaṃ ‘‘ kārentī ’’ ti pade kāritakammaṃ .
Tassāti kāritabhikkhussa .
Anumodanatoti anumodanakāraṇā .
Upanisinnakathāti upasamīpe nisinnānaṃ kathiyati etāyāti upanisinnakathā .
Anumodanāyāti anumodanatthāya .
Ajjhiṭṭhovāti sayaṃ ajjhiṭṭho eva .
Etthāti anumodanavatthusmiṃ .
Na mahātherassa bhāro hotīti anumodakaṃ āgametuṃ na bhāro .
‘‘ Sañjātavacco ’’ ti iminā vacco sañjāto imassāti vaccitoti katvā sañjātatthe ita paccayoti dasseti .
Upanisinnakathā nāma bahūsu sannipatitesu parikathākathanaṃ .
Ajjhiṭṭhova āgametabboti attanā ajjhiṭṭhehi bhikkhūhi anumodanteyeva nisīditabbanti attho .
Anumodanavattakathāvaṇṇanā niṭṭhitā .