Codakacuditakapaṭisaṃyuttakathāvaṇṇanā
401. Ajjhattan ti ettha attasaddassa cittavācakabhāvañca sattamīvibhattiyāpi amādesabhāvañca dassento āha ‘‘ attano citte ’’ ti .
Uppādetvāti iminā ‘‘ manasikaritvā ’’ ti padassa adhippāyatthaṃ dasseti .
401. Karuṇan ti appanāppattaṃ karuṇajjhānaṃ .
Karuṇāpubbabhāgan ti parikammupacāravasappavattaṃ karuṇaṃ .
401. Upadahātabboti uppādetabbo , vippaṭisāramukhena dhāretabboti adhippāyo .
Kāruññatāti ettha dvīsu ṇyapaccayatāpaccayesu ekasseva bhāvavācakattā eko svatthoti dassento āha ‘‘ karuṇabhāvo ’’ ti .
Tattha karuṇassa puggalassa bhāvo kāruññaṃ , tadeva kāruññatā .
Atha vā karuṇo eva puggalo kāruññaṃ , tassa bhāvo kāruññatāti vacanattho kātabbo .
Mettañca mettāpubbabhāgañcāti etthāpi eseva nayo .
Imināti ‘‘ kāruññatā ’’ ti padena .
Karuṇañcāti appanāpattaṃ karuṇañca .
Karuṇāpubbabhāgañcāti appanāpattāya karuṇāya pubbabhāge parikammūpacāravasena pavattaṃ kāmāvacarakaruṇañca .
Dvīhipīti ‘‘ hitesitā , anukampitā ’’ ti dvīhipi padehi .
Mettañcāti appanāpattamettañca .
Mettāpubbabhāgañcāti appanāpattāya mettāya pubbabhāge parikammūpacāravasena pavattaṃ kāmāvacaramettañca .
Suddhanteti suddhe koṭṭhāse .
Paṭiññaṃ āropetvāti cuditakaṃ paṭiññaṃ āropetvā .
Ye eteti ‘‘ kāruññatā ’’ tiādinā nayena ye ete pañca dhammā vuttāti yojanā .
Iminā ime pañca dhammeti ettha imasaddassa aniyamaniddesabhāvaṃ dasseti .
Sacce
M0.536 ca akuppe cāti ettha saccasaddassa viratisaccaparamatthasaccāni paṭikkhipanto āha ‘‘ vacīsacce cā ’’ ti .
‘‘ Akuppanatāyā ’’ ti iminā nakupassa bhāvo akuppan ti katvā ṇyapaccayassaV2.171 bhāvatthaṃ dasseti .Hīti saccaṃ , vitthāro vā .
Na paro ghaṭṭetabboti na paro kujjhāpetabbo .
Sabbatthāti sabbasmiṃ pātimokkhaṭṭhapanakkhandhake .
Sesamettha suviññeyyamevāti .
Iti pātimokkhaṭṭhapanakkhandhakavaṇṇanāya yojanā samattā .
Pātimokkhaṭṭhapanakkhandhakavaṇṇanā niṭṭhitā .
Pātimokkhaṭṭhapanakkhandhakavaṇṇanā niṭṭhitā .