2. Sativinayakathā
195. Parammukhaṃ vineti vināsetīti vinayo , parammukhaṃ vineti vināseti anenāti vā vinayo , vinayakammaṃ .
Saṅghadhammavinayapuggalasammukhānaṃ dātabbo vinayo sammukhāvinayo .
Pañcimānīti ettha pañcannaṃ sarūpaṃ dassento āha ‘‘ suddhassā ’’ tiādi .
Anuvaditassa dānanti sambandho .
195-200.
Desanāmattamevetan ti ‘‘ pañcimānī ’’ ti etaṃ desanāmattaṃ .
195. Dabbassa kammavācāya ‘‘ saṅgho imaṃ āyasmantaṃ dabban ’’ ti sammukhāniddeso natthi , tathāpi ‘‘ paṭhamaṃ dabbo yācitabbo ’’ ti vacanena sammukhākaraṇīyatā tassa siddhā .
Tathā aññatthāpi yathāsambhavaṃ leso veditabbo .
195. Samathakkhandhake
M2.222V2.210 khīṇāsavassa vipulasatiṃ nissāya dātabbo vinayo codanādiasāruppānaṃ vinayanupāyo sativinayo .Etānīti pañca aṅgāni .
‘‘ Ekekaaṅgavasena na labbhantī ’’ ti iminā samudāyavākyanibbattibhāvato pañcaṅgavaseneva labbhantīti dasseti .
Desanāmattamevetan ti ‘‘ pañcimānī ’’ ti etaṃ vacanaṃ desanāmattameva , na avayavavākyanibbattivacananti adhippāyo .
Dhamman ti bhūtaṃ .
Etthāti ‘‘ pañcimāni bhikkhave ’’ tiādivacane .
Tattha cāti ‘‘ pañcimāni bhikkhave ’’ tiādivacane ca .
Sativepullappattassa khīṇāsavassa dātabbo vinayo sativinayo .
Sativepullappattassa dātabbo vinayo sativinayo .
Anuvadantīti ettha anuddhaṃsanena vadantīti dassento āha ‘‘ codentī ’’ ti .
Amūḷhassa dātabbo vinayo amūḷhavinayo .
Ayaṃ pana sativinayo dātabboti sambandho .
Anāgāminopīti pisaddo sambhāvane , sakadāgāmiādike pana kā nāma kathāti dasseti .
So ca khoti sativinayo ca .
Codiyamāneyevāti codiyamānasseva , ayameva vā pāṭho .
Tasmin ti sativinayasmiṃ dinneti sambandho .
Acoditattā
M0.439 kathā na rūhatīti āha ‘‘ codentopī ’’ tiādi .
Āpajjatīti codako āpajjati .Codanādiasāruppe vineti vināsetīti vinayo , vineti vināseti anenāti vā vinayo , vinayakammaṃ .
Sativepullapattassa dātabbo vinayo sativinayo .