6. Piṇḍacārikavattakathā
Piṇḍacārikavattakathāvaṇṇanā
Piṇḍacārikavattakathādivaṇṇanā
366. Piṇḍacārikavatte
M0.528 evaṃ vinicchayo veditabboti yojanā .
Kappāsaṃ vā gahetvātiV2.164 sambandho .
Yañcāti yañca kiñci vatthuṃ , gahetvāti sambandho .
Karontī ṭhitā vāti karontī hutvā ṭhitā vā .
Tan ti kammaṃ .
366. Parāmasatīti gaṇhāti .
Ṭhapeti vāti ‘‘ tiṭṭhatha , bhante ’’ ti vadantī ṭhapeti nāma .
366. Pāḷiyaṃ ṭhāpeti vāti tiṭṭha bhanteti vadanti .Na ca bhikkhādāyikāyāti itthiliṅgavasena vuttattā itthiyā eva mukhaṃ na ulloketabbanti atthaṃ paṭikkhipanto āha ‘‘ itthī vā hotū ’’ tiādi .
‘‘ Bhikkhādānasamaye ’’ ti iminā aññasmiṃ samaye olokentopi natthi dosoti dasseti .
Ekasmiṃ kāle bhikkhāya dadamānāya sabbakālampi na oloketabbanti anicchitatthaṃ paṭikkhipati .