问题
编辑器
设置
版本
选择版本
sāsanāre-သာသနာရေး
မြန်မာဘာသာ
Khandhavaggo
Khandhavaggo

13. Jhānasaṃyuttaṃ

作者： _System_Pali_VRI_ @ Administrator

13. Jhānasaṃyuttaṃ

1. Samādhimūlakasamāpattisuttaṃ

662. SāvatthinidānaṃT3.327V2.262M2.224 .
‘‘ Cattārome , bhikkhave , jhāyī .
Katame cattāro ?
IdhaP3.264 , bhikkhave , ekacco jhāyī samādhismiṃ samādhikusalo hoti , na samādhismiṃ samāpattikusalo .
Idha pana , bhikkhave , ekacco jhāyī samādhismiṃ samāpattikusalo hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ samāpattikusalo .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ samāpattikusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ samāpattikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho [ pāmokkho ( syā . kaṃ .) evamuparipi ] ca uttamo ca pavaro ca .
Seyyathāpi , bhikkhave , gavā khīraṃ , khīramhā dadhi , dadhimhā navanītaṃ , navanītamhā sappi , sappimhā sappimaṇḍo tatra aggamakkhāyati ;
evameva kho , bhikkhave , yvāyaṃ jhāyī samādhismiṃ samādhikusalo ca hoti samādhismiṃ samāpattikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā ’’ ti .
Paṭhamaṃ .

2. Samādhimūlakaṭhitisuttaṃ

663. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ ṭhitikusalo .
Idha pana , bhikkhave , ekaccoT3.328 jhāyī samādhismiṃ ṭhitikusalo hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ ṭhitikusalo .
Idha pana , bhikkhave , ekacco jhāyī samādhismiṃ samādhikusalo ca hotiV2.263 , samādhismiṃ ṭhitikusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ ṭhitikusalo ca ayaṃ imesaṃP3.265 catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ , khīramhā dadhi , dadhimhā navanītaṃ , navanītamhāM2.225 sappi , sappimhā sappimaṇḍo tatra aggamakkhāyati ;
evameva kho , bhikkhave , yvāyaṃ jhāyī samādhismiṃ samādhikusalo ca hoti samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā ’’ ti .
Dutiyaṃ .

3. Samādhimūlakavuṭṭhānasuttaṃ

664. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ vuṭṭhānakusalo .
Idha pana , bhikkhave , ekacco jhāyī samādhismiṃ vuṭṭhānakusalo hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ vuṭṭhānakusalo .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ vuṭṭhānakusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ vuṭṭhānakusalo ca ayaṃ imesaṃ catunnaṃT3.329 jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Tatiyaṃ .

4. Samādhimūlakakallitasuttaṃ

665. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ kallitakusalo .
Idha pana , bhikkhave , ekacco jhāyī samādhismiṃ kallitakusalo hoti , na samādhismiṃ samādhikusalo .
IdhaP3.266 pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ kallitakusalo .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ kallitakusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ kallitakusalo ca ayaṃ imesaṃ catunnaṃ jhāyīnaṃ aggo ca seṭṭho caV2.264 mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Catutthaṃ .

5. Samādhimūlakaārammaṇasuttaṃ

666. SāvatthinidānaṃM2.226 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ ārammaṇakusalo .
Idha pana , bhikkhave , ekacco jhāyī samādhismiṃ ārammaṇakusalo hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ ārammaṇakusalo .
Idha pana , bhikkhave , ekacco jhāyī samādhismiṃ samādhikusaloT3.330 ca hoti , samādhismiṃ ārammaṇakusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ ārammaṇakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Pañcamaṃ .

6. Samādhimūlakagocarasuttaṃ

667. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ gocarakusalo .
Idha pana , bhikkhave , ekacco jhāyī samādhismiṃ gocarakusalo hoti , na samādhismiṃ samādhikusalo .
IdhaP3.267 pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ gocarakusalo .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ gocarakusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ gocarakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Chaṭṭhaṃ .

7. Samādhimūlakaabhinīhārasuttaṃ

668. SāvatthinidānaṃV2.265 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ abhinīhārakusalo .
Idha pana , bhikkhave , ekacco jhāyī samādhismiṃ abhinīhārakusalo hoti , na samādhismiṃ samādhikusalo .
IdhaM2.227 pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ abhinīhārakusaloT3.331 .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ abhinīhārakusalo ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ abhinīhārakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Sattamaṃ .

8. Samādhimūlakasakkaccakārīsuttaṃ

669. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ sakkaccakārī .
Idha pana , bhikkhave , ekacco jhāyī samādhismiṃ sakkaccakārī hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ sakkaccakārī .
IdhaP3.268 pana , bhikkhave , ekacco jhāyī samādhismiṃ samādhikusalo ca hoti , samādhismiṃ sakkaccakārī ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ sakkaccakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Aṭṭhamaṃ .

9. Samādhimūlakasātaccakārīsuttaṃ

670. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ sātaccakārī .
Idha pana , bhikkhave , ekacco jhāyī samādhismiṃ sātaccakārī hoti , na samādhismiṃ samādhikusalo .
Idha panaV2.266 , bhikkhave , ekacco jhāyī nevaT3.332 samādhismiṃ samādhikusalo hoti , na ca samādhismiṃ sātaccakārī .
Idha pana , bhikkhave , ekacco jhāyī samādhismiṃ samādhikusalo ca hoti , samādhismiṃ sātaccakārī ca .
Tatra , bhikkhave , yvāyaṃ jhāyī samādhismiṃ samādhikusalo ca hoti , samādhismiṃ sātaccakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Navamaṃ .

10. Samādhimūlakasappāyakārīsuttaṃ

671. SāvatthinidānaṃM2.228 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samādhikusalo hoti , na samādhismiṃ sappāyakārī .
Idha pana , bhikkhave , ekacco jhāyī samādhismiṃ sappāyakārī hoti , na samādhismiṃ samādhikusalo .
Idha pana , bhikkhave , ekacco jhāyī neva samādhismiṃ samādhikusalo hoti , na ca samādhismiṃ sappāyakārī .
IdhaP3.269 pana , bhikkhave , ekacco jhāyī samādhismiṃ samādhikusalo ca hoti , samādhismiṃ sappāyakārī ca .
Tatra , bhikkhave , yvāyaṃ jhāyī samādhismiṃ samādhikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Dasamaṃ .( Samādhimūlakaṃ .)

11. Samāpattimūlakaṭhitisuttaṃ

672. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ ṭhitikusalo .
Idha pana , bhikkhave , ekacco jhāyī samādhismiṃ ṭhitikusalo hoti , na samādhismiṃ samāpattikusalo .
Idha pana , bhikkhave , ekaccoT3.333 jhāyī neva samādhismiṃ samāpattikusalo hoti , na ca samādhismiṃ ṭhitikusalo .
Idha pana , bhikkhave , ekacco jhāyī samādhismiṃ samāpattikusalo ca hoti , samādhismiṃ ṭhitikusalo ca .
Tatra , bhikkhave , yvāyaṃ jhāyī samādhismiṃ samāpattikusalo ca hoti , samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ … pe … pavaro cā ’’ ti .
Ekādasamaṃ .

12. Samāpattimūlakavuṭṭhānasuttaṃ

673. SāvatthinidānaṃV2.267 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ vuṭṭhānakusalo .
Idha pana , bhikkhave , ekacco jhāyī samādhismiṃ vuṭṭhānakusalo hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na caM2.229 samādhismiṃ vuṭṭhānakusalo .
Idha pana , bhikkhave , ekacco jhāyī samādhismiṃ samāpattikusaloP3.270 ca hoti , samādhismiṃ vuṭṭhānakusalo ca .
Tatra , bhikkhave , yvāyaṃ jhāyī … pe … pavaro cā ’’ ti .
Dvādasamaṃ .

13. Samāpattimūlakakallitasuttaṃ

674. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ kallitakusalo .
Idha pana , bhikkhave , ekacco jhāyī samādhismiṃ kallitakusalo hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ kallitakusalo .
Idha pana , bhikkhave , ekacco jhāyī samādhismiṃ samāpattikusaloT3.334 ca hoti , samādhismiṃ kallitakusalo ca .
Tatra … pe … pavaro cā ’’ ti .
Terasamaṃ .

14. Samāpattimūlakaārammaṇasuttaṃ

675. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ ārammaṇakusalo .
Idha pana , bhikkhave , ekacco jhāyī samādhismiṃ ārammaṇakusalo hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ ārammaṇakusalo .
Idha pana , bhikkhave , ekacco jhāyī samādhismiṃ samāpattikusalo ca hoti , samādhismiṃ ārammaṇakusalo ca .
Tatra … pe … pavaro cā ’’ ti .
Cuddasamaṃ .

15. Samāpattimūlakagocarasuttaṃ

676. SāvatthinidānaṃV2.268 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusaloP3.271 hoti , na samādhismiṃ gocarakusalo .
Idha pana , bhikkhave , ekacco jhāyī samādhismiṃ gocarakusalo hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ gocarakusalo .
Idha pana , bhikkhave , ekacco jhāyī samādhismiṃ samāpattikusaloM2.230 ca hoti , samādhismiṃ gocarakusalo ca .
Tatra … pe … pavaro cā ’’ ti .
Pannarasamaṃ .

16. Samāpattimūlakaabhinīhārasuttaṃ

677. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃT3.335 abhinīhārakusalo .
Idha pana , bhikkhave , ekacco jhāyī samādhismiṃ abhinīhārakusalo hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ abhinīhārakusalo .
Idha pana , bhikkhave , ekacco jhāyī samādhismiṃ samāpattikusalo ca hoti , samādhismiṃ abhinīhārakusalo ca .
Tatra … pe … pavaro cā ’’ ti .
Soḷasamaṃ .

17. Samāpattimūlakasakkaccasuttaṃ

678. Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ sakkaccakārī .
Idha pana , bhikkhave , ekacco jhāyī samādhismiṃ sakkaccakārī hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ sakkaccakārī .
Idha pana , bhikkhave , ekacco jhāyī samādhismiṃ samāpattikusalo ca hoti , samādhismiṃ sakkaccakārī ca .
Tatra … pe … pavaro cā ’’ ti .
Sattarasamaṃ .

18. Samāpattimūlakasātaccasuttaṃ

679. SāvatthinidānaṃV2.269 .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ samāpattikusalo hoti , na samādhismiṃ sātaccakārī .
Idha pana , bhikkhave , ekacco jhāyī samādhismiṃ sātaccakārī hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ sātaccakārī .
Idha pana , bhikkhave , ekacco jhāyī samādhismiṃ samāpattikusaloT3.336 ca hoti , samādhismiṃ sātaccakārī ca .
Tatra … pe … pavaro cā ’’ ti .
Aṭṭhārasamaṃ .

19. Samāpattimūlakasappāyakārīsuttaṃ

680. SāvatthinidānaṃM2.231 .
‘‘ Cattārome , bhikkhave , jhāyī .
Katame cattāro ?
IdhaP3.272 , bhikkhave , ekacco jhāyī samādhismiṃ samāpattikusalo hoti , na samādhismiṃ sappāyakārī .
Idha pana , bhikkhave , ekacco jhāyī samādhismiṃ sappāyakārī hoti , na samādhismiṃ samāpattikusalo .
Idha pana , bhikkhave , ekacco jhāyī neva samādhismiṃ samāpattikusalo hoti , na ca samādhismiṃ sappāyakārī .
Idha pana , bhikkhave , ekacco jhāyī samādhismiṃ samāpattikusalo ca hoti , samādhismiṃ sappāyakārī ca .
Tatra , bhikkhave , yvāyaṃ jhāyī samādhismiṃ samāpattikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ , khīramhā dadhi , dadhimhā navanītaṃ , navanītamhā sappi , sappimhā sappimaṇḍo tatra aggamakkhāyati ;
evameva kho , bhikkhave , yvāyaṃ jhāyī samādhismiṃ samāpattikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā ’’ ti .
Ekūnavīsatimaṃ .( Samāpattimūlakaṃ .)

20-27.
Ṭhitimūlakavuṭṭhānasuttādiaṭṭhakaṃ

681-688.
Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhaveV2.270 , ekacco jhāyī samādhismiṃ ṭhitikusalo hoti , na samādhismiṃ vuṭṭhānakusalo .
Idha pana , bhikkhave , ekacco jhāyī samādhismiṃ vuṭṭhānakusalo hoti , na samādhismiṃ ṭhitikusalo .
Idha pana , bhikkhave , ekacco jhāyī neva samādhismiṃ ṭhitikusalo hoti , na ca samādhismiṃ vuṭṭhānakusalo .
Idha pana , bhikkhave , ekaccoT3.337 jhāyī samādhismiṃ ṭhitikusalo ca hoti , samādhismiṃ vuṭṭhānakusalo ca .
Tatra , bhikkhave , yvāyaṃ jhāyī … pe … uttamo ca pavaro cā ’’ ti .
Vīsatimaṃ .( Purimamūlakāni viya yāva sattavīsatimā ṭhitimūlakasappāyakārīsuttā aṭṭha suttāni pūretabbāni . ṬhitimūlakaṃP3.273 .)

28-34.
Vuṭṭhānamūlakakallitasuttādisattakaṃ

689-695.
Sāvatthinidānaṃ .
‘‘ Cattārome , bhikkhave , jhāyī .
Katame cattāro ?
Idha , bhikkhave , ekacco jhāyī samādhismiṃ vuṭṭhānakusalo hoti , naM2.232 samādhismiṃ kallitakusalo … samādhismiṃP3.274 kallitakusalo hoti , na samādhismiṃ vuṭṭhānakusalo … neva samādhismiṃ vuṭṭhānakusalo hoti , na ca samādhismiṃ kallitakusalo … samādhismiṃ vuṭṭhānakusalo ca hoti samādhismiṃ kallitakusalo ca .
Tatra , bhikkhave , yvāyaṃ jhāyī … pe … uttamo ca pavaro cā ’’ ti .
Aṭṭhavīsatimaṃ .( Purimamūlakāni viya yāva catuttiṃsatimā vuṭṭhānamūlakasappāyakārīsuttā satta suttāni pūretabbāni . Vuṭṭhānamūlakaṃ .)

35-40.
Kallitamūlakaārammaṇasuttādichakkaṃ

696-701.
SāvatthinidānaṃP3.275 …‘‘ samādhismiṃ kallitakusalo hoti , na samādhismiṃ ārammaṇakusalo … samādhismiṃ ārammaṇakusalo hoti , na samādhismiṃ kallitakusalo … neva samādhismiṃ kallitakusalo hoti , na ca samādhismiṃ ārammaṇakusalo … samādhismiṃ kallitakusalo ca hoti , samādhismiṃ ārammaṇakusalo ca .
Tatra , bhikkhave , yvāyaṃ jhāyī … pe … uttamo ca pavaro cā ’’ ti .
Pañcatiṃsatimaṃ .( Purimamūlakāni viya yāva cattālīsamā kallitamūlakasappāyakārīsuttā cha suttāni pūretabbāni . Kallitamūlakaṃ .)

41-45.
Ārammaṇamūlakagocarasuttādipañcakaṃ

702-706.
SāvatthinidānaṃV2.271 …‘‘ samādhismiṃ ārammaṇakusalo hoti , na samādhismiṃ gocarakusalo … samādhismiṃ gocarakusalo hoti , na samādhismiṃ ārammaṇakusalo … neva samādhismiṃ ārammaṇakusalo hoti , na ca samādhismiṃT3.338 gocarakusalo … samādhismiṃ ārammaṇakusalo ca hoti , samādhismiṃ gocarakusalo ca .
Tatra , bhikkhave , yvāyaṃ jhāyī … pe … uttamo ca pavaro cā ’’ ti .
Ekacattālīsamaṃ .( Purimamūlakāni viya yāva pañcacattālīsamā ārammaṇamūlakasappāyakārīsuttā pañca suttāni pūretabbāni . ĀrammaṇamūlakaṃP3.276 .)

46-49.
Gocaramūlakaabhinīhārasuttādicatukkaṃ

707. Sāvatthinidānaṃ …‘‘ samādhismiṃ gocarakusalo hoti , na samādhismiṃ abhinīhārakusalo … samādhismiṃ abhinīhārakusalo hotiM2.233 , na samādhismiṃ gocarakusalo … neva samādhismiṃ gocarakusalo hoti , na ca samādhismiṃ abhinīhārakusalo … samādhismiṃ gocarakusalo ca hoti , samādhismiṃ abhinīhārakusalo ca … seyyathāpi , bhikkhave , gavā khīraṃ , khīramhā dadhi , dadhimhā navanītaṃ , navanītamhā sappi , sappimhā sappimaṇḍo tatra aggamakkhāyati ;
evameva kho , bhikkhave , yvāyaṃ jhāyī samādhismiṃ gocarakusalo ca hoti samādhismiṃ abhinīhārakusalo ca ayaṃ imesaṃ catunnaṃ jhāyīnaṃ … pe … uttamo ca pavaro cā ’’ ti .
Chacattālīsamaṃ .
708. Samādhismiṃ gocarakusalo hoti , na samādhismiṃ sakkaccakārī … pe ….
Vitthāretabbaṃ .
Sattacattālīsamaṃ .
709. Samādhismiṃ gocarakusalo hoti , na samādhismiṃ sātaccakārī … pe ….
Aṭṭhacattālīsamaṃ .
710. Samādhismiṃ gocarakusalo hoti , na samādhismiṃ sappāyakārī … pe ….
Ekūnapaññāsamaṃ .( Gocaramūlakaṃ .)

50-52.
Abhinīhāramūlakasakkaccasuttāditikaṃ

711. SāvatthinidānaṃV2.272 …‘‘ samādhismiṃ abhinīhārakusalo hoti , naP3.277 samādhismiṃ sakkaccakārī … samādhismiṃ sakkaccakārī hoti , na samādhismiṃ abhinīhārakusalo … neva samādhismiṃ abhinīhārakusalo hoti , na ca samādhismiṃ sakkaccakārī … samādhismiṃ abhinīhārakusalo ca hoti , samādhismiṃ sakkaccakārī ca .
Tatra , bhikkhave , yvāyaṃ jhāyī … pe … uttamo ca pavaro cā ’’ ti .
Paññāsamaṃ .
712. Samādhismiṃ abhinīhārakusalo hoti , na samādhismiṃ sātaccakārī … pe ….
Ekapaññāsamaṃ .
713. Samādhismiṃ abhinīhārakusalo hoti , na samādhismiṃ sappāyakārī … pe ….
Dvepaññāsamaṃ .( Abhinīhāramūlakaṃ .)

53-54.
Sakkaccamūlakasātaccakārīsuttādidukaṃ

714. SāvatthinidānaṃM2.234 …‘‘ samādhismiṃ sakkaccakārī hoti , na samādhismiṃ sātaccakārī … samādhismiṃ sātaccakārī hoti , na samādhismiṃ sakkaccakārīT3.339 … neva samādhismiṃ sakkaccakārī hoti , na ca samādhismiṃ sātaccakārī … samādhismiṃ sakkaccakārī ca hoti , samādhismiṃ sātaccakārī ca .
Tatra , bhikkhave , yvāyaṃ … pe … uttamo ca pavaro cā ’’ ti .
Tepaññāsamaṃ .
715. Samādhismiṃ sakkaccakārī hoti , na samādhismiṃ sappāyakārī … pe ….
Catupaññāsamaṃ .

55. Sātaccamūlakasappāyakārīsuttaṃ

716. Sāvatthinidānaṃ .
‘‘ Catārome , bhikkhave , jhāyī .
Katame cattāro ?
Idha , bhikkhaveV2.273 , ekacco jhāyī samādhismiṃ sātaccakārī hoti , na samādhismiṃ sappāyakārī .
Idha pana , bhikkhave , ekacco jhāyī samādhismiṃ sappāyakārī hoti , na samādhismiṃ sātaccakārī .
Idha pana , bhikkhave , ekacco jhāyī neva samādhismiṃ sātaccakārī hoti , na ca samādhismiṃ sappāyakārī .
IdhaP3.278 pana , bhikkhave , ekacco jhāyī samādhismiṃ sātaccakārī ca hoti , samādhismiṃ sappāyakārī ca .
Tatra , bhikkhave , yvāyaṃ jhāyī samādhismiṃ sātaccakārī ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca .
Seyyathāpi , bhikkhave , gavā khīraṃ , khīramhā dadhi , dadhimhā navanītaṃ , navanītamhā sappi , sappimhā sappimaṇḍo tatra aggamakkhāyati ;
evameva kho , bhikkhave , yvāyaṃ jhāyī samādhismiṃ sātaccakārī ca hoti , samādhismiṃ sappāyakārī ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro cā ’’ ti .
Idamavoca bhagavā .
Attamanā te bhikkhū bhagavato bhāsitaṃ abhinandunti .
Pañcapaññāsamaṃ .( Yathā pañcapaññāsaṃ veyyākaraṇāni honti tathā vitthāretabbāni .)
Jhānasaṃyuttaṃ [ samādhisaṃyuttaṃ ( syā . kaṃ .)] samattaṃ .
Tassuddānaṃ –
SamādhiT3.340M2.235 samāpatti ṭhiti ca , vuṭṭhānaṃ kallitārammaṇena ca ;
Gocarā abhinīhāro sakkacca , sātacca athopi sappāyanti .
Khandhavaggo tatiyo .
Tassuddānaṃ –
Khandha rādhasaṃyuttañca , diṭṭhiokkanta [ okkanti ( sabbattha )] uppādā ;
Kilesa sāriputtā ca , nāgā supaṇṇa gandhabbā ;
Valāha vacchajhānantiP3.279 , khandhavaggamhi terasāti .
Khandhavaggasaṃyuttapāḷi niṭṭhitā .