4. Dutiyahāliddikānisuttaṃ

Author： _System_Pali_VRI_ @ Administrator

4. Dutiyahāliddikānisuttaṃ

4. Evaṃ me sutaṃ – ekaṃ samayaṃ āyasmā mahākaccāno avantīsu viharati kuraraghare papāte pabbate .

AthaP3.13 kho hāliddikāni gahapati yenāyasmā mahākaccāno … pe … ekamantaṃ nisinno kho hāliddikāniT3.17 gahapati āyasmantaṃ mahākaccānaṃ etadavoca –

‘‘ vuttamidaṃ , bhante , bhagavatā sakkapañhe –

‘ ye te samaṇabrāhmaṇā taṇhāsaṅkhayavimuttā , te accantaniṭṭhā accantayogakkhemino accantabrahmacārino accantapariyosānā seṭṭhā devamanussānan ’’’ ti .

‘‘ Imassa nu kho , bhante , bhagavatā saṃkhittena bhāsitassa kathaṃ vitthārena attho daṭṭhabbo ’’ ti ?

‘‘ RūpadhātuyāM2.12 kho , gahapati , yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , tesaṃ khayā virāgā nirodhā cāgā paṭinissaggā cittaṃ suvimuttanti vuccati .

‘‘ Vedanādhātuyā kho , gahapati … saññādhātuyā kho , gahapati … saṅkhāradhātuyā kho , gahapati … viññāṇadhātuyāV2.13 kho , gahapati , yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā , tesaṃ khayā virāgā nirodhā cāgā paṭinissaggā cittaṃ suvimuttanti vuccati .

‘‘ Iti kho , gahapati , yaṃ taṃ vuttaṃ bhagavatā sakkapañhe –

‘ ye te samaṇabrāhmaṇā taṇhāsaṅkhayavimuttā te accantaniṭṭhā accantayogakkhemino accantabrahmacārino accantapariyosānā seṭṭhā devamanussānan ’’’ ti .

‘‘ Imassa kho , gahapati , bhagavatā saṃkhittena bhāsitassa evaṃ vitthārena attho daṭṭhabbo ’’ ti .

Catutthaṃ .

Issues

Select Version

Khandhavaggo

Khandhavaggo