10. Gandhabbakāyasaṃyuttaṃ

作者： _System_Pali_VRI_ @ Administrator

10. Gandhabbakāyasaṃyuttaṃ

1. Suddhikasuttaṃ

438. EkaṃT3.309V2.247M2.210 samayaṃ bhagavā sāvatthiyaṃ viharati jetavane anāthapiṇḍikassa ārāme … pe … bhagavā etadavoca –

‘‘ gandhabbakāyikeP3.250 vo , bhikkhave , deve desessāmi .

Taṃ suṇātha .

Katamā ca , bhikkhave , gandhabbakāyikā devā ?

Santi , bhikkhave , mūlagandhe adhivatthā devā .

Santi , bhikkhave , sāragandhe adhivatthā devā .

Santi , bhikkhave , pheggugandhe adhivatthā devā .

Santi , bhikkhave , tacagandhe adhivatthā devā .

Santi , bhikkhave , papaṭikagandhe adhivatthā devā .

Santi , bhikkhave , pattagandhe adhivatthā devā .

Santi , bhikkhave , pupphagandhe adhivatthā devā .

Santi , bhikkhave , phalagandhe adhivatthā devā .

Santi , bhikkhave , rasagandhe adhivatthā devā .

Santi , bhikkhave , gandhagandhe adhivatthā devā .

Ime vuccanti , bhikkhave , gandhabbakāyikā devā ’’ ti .

Paṭhamaṃ .

2. Sucaritasuttaṃ

439. Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā gandhabbakāyikānaṃ devānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena sucaritaṃ carati , vācāya sucaritaṃ carati , manasā sucaritaṃ carati .

Tassa sutaṃ hoti –

‘ gandhabbakāyikā devā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedāT3.310 paraṃ maraṇā gandhabbakāyikānaṃ devānaṃ sahabyataṃ upapajjeyyan ’ ti .

So kāyassa bhedā paraṃ maraṇā gandhabbakāyikānaṃ devānaṃ sahabyataṃ upapajjati .

Ayaṃ kho , bhikkhuV2.248 , hetu , ayaṃ paccayo , yena midhekacco kāyassa bhedā paraṃ maraṇā gandhabbakāyikānaṃ devānaṃ sahabyataṃ upapajjatī ’’ ti .

Dutiyaṃ .

3. Mūlagandhadātāsuttaṃ

440. Sāvatthinidānaṃ .

Ekamantaṃ nisinno kho so bhikkhu bhagavantaṃP3.251 etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī ’’ tiM2.211 ?

‘‘ Idha , bhikkhu , ekacco kāyena sucaritaṃ carati , vācāya sucaritaṃ carati , manasā sucaritaṃ carati .

Tassa sutaṃ hoti –

‘ mūlagandhe adhivatthā devā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyyan ’ ti .

So dātā hoti mūlagandhānaṃ .

So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati .

Ayaṃ kho , bhikkhu , hetu … pe … yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī ’’ ti .

Tatiyaṃ .

4-12.
Sāragandhādidātāsuttanavakaṃ

441-449.

Sāvatthinidānaṃ .

Ekamantaṃ nisinno kho so bhikkhu bhagavantaṃ etadavocaT3.311 –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā sāragandhe adhivatthānaṃ devānaṃ … pe … pheggugandhe adhivatthānaṃ devānaṃ … tacagandhe adhivatthānaṃ devānaṃ … papaṭikagandhe adhivatthānaṃ devānaṃ … pattagandhe adhivatthānaṃ devānaṃ … pupphagandhe adhivatthānaṃ devānaṃ … phalagandhe adhivatthānaṃ devānaṃ … rasagandhe adhivatthānaṃ devānaṃ … gandhagandhe adhivatthānaṃ devānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena sucaritaṃ carati , vācāya sucaritaṃ carati , manasā sucaritaṃ carati .

Tassa sutaṃ hoti –

‘ sāragandhe adhivatthā devā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā sāragandhe adhivatthānaṃ devānaṃ … pe … pheggugandhe adhivatthānaṃ devānaṃ … tacagandhe adhivatthānaṃ devānaṃ … papaṭikagandhe adhivatthānaṃ devānaṃ … pattagandhe adhivatthānaṃ devānaṃ … pupphagandhe adhivatthānaṃ devānaṃ … phalagandhe adhivatthānaṃ devānaṃ … rasagandhe adhivatthānaṃV2.249 devānaṃ … gandhagandhe adhivatthānaṃ devānaṃ sahabyataṃ upapajjeyyan ’ ti .

So dātā hoti sāragandhānaṃ … pe … so dātā hoti pheggugandhānaṃ … so dātā hoti tacagandhānaṃ … soP3.252 dātā hoti papaṭikagandhānaṃ … so dātā hoti pattagandhānaṃ … so dātā hoti pupphagandhānaṃ … so dātā hoti phalagandhānaṃ … so dātā hoti rasagandhānaṃ … so dātā hoti gandhagandhānaṃ .

So kāyassa bhedā paraṃ maraṇā gandhagandheT3.312 adhivatthānaṃ devānaṃ sahabyataṃ upapajjati .

Ayaṃ kho , bhikkhu , hetu , ayaṃM2.212 paccayo , yena midhekacco kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjatī ’’ ti .

Dvādasamaṃ .

13-22.
Mūlagandhadānūpakārasuttadasakaṃ

450-459.

Sāvatthinidānaṃ .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena sucaritaṃ carati , vācāya sucaritaṃ carati , manasā sucaritaṃ carati .

Tassa sutaṃ hoti –

‘ mūlagandhe adhivatthā devā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjeyyan ’ ti .

So annaṃ deti … pe … pānaṃ deti … vatthaṃ deti … yānaṃ deti … mālaṃ deti … gandhaṃ deti … vilepanaṃ deti … seyyaṃ deti … āvasathaṃ deti … padīpeyyaṃ deti .

So kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā mūlagandhe adhivatthānaṃ devānaṃ sahabyataṃ upapajjatī ’’ ti .

Bāvīsatimaṃ .

23-112.
Sāragandhādidānūpakārasuttanavutikaṃ

460-549.

SāvatthinidānaṃP3.253 .

Ekamantaṃ nisinno kho so bhikkhu bhagavantaṃ etadavoca –

‘‘ ko nu kho , bhante , hetu , ko paccayo , yena midhekacco kāyassa bhedā paraṃ maraṇā sāragandhe adhivatthānaṃ devānaṃ … pe … pheggugandhe adhivatthānaṃ devānaṃ … tacagandhe adhivatthānaṃ devānaṃT3.313 … papaṭikagandhe adhivatthānaṃ devānaṃ … pattagandhe adhivatthānaṃ devānaṃ … pupphagandheV2.250 adhivatthānaṃ devānaṃ … phalagandhe adhivatthānaṃ devānaṃ … rasagandhe adhivatthānaṃ devānaṃ … gandhagandhe adhivatthānaṃ devānaṃ sahabyataṃ upapajjatī ’’ ti ?

‘‘ Idha , bhikkhu , ekacco kāyena sucaritaṃ carati , vācāya sucaritaṃ carati , manasā sucaritaṃ carati .

Tassa sutaṃ hoti –

‘ gandhagandhe adhivatthā devā dīghāyukā vaṇṇavanto sukhabahulā ’ ti .

Tassa evaṃ hoti –

‘ aho vatāhaṃ kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjeyyan ’ ti .

So annaṃ deti … pe … pānaṃ deti … vatthaṃ deti … yānaṃ deti … mālaṃ deti … gandhaṃ deti … vilepanaṃM2.213 deti … seyyaṃ deti … āvasathaṃ deti … padīpeyyaṃ deti .

So kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjati .

Ayaṃ kho , bhikkhu , hetu , ayaṃ paccayo , yena midhekacco kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjatī ’’ ti .

Dvādasasatimaṃ .

( Evaṃ piṇḍakena ekasatañca dvādasa ca suttantā honti .)

Gandhabbakāyasaṃyuttaṃ samattaṃ .

Tassuddānaṃ –

Suddhikañca sucaritaṃ , dātā hi apare dasa ;

Dānūpakārā satadhā , gandhabbe suppakāsitāti .

问题

选择版本

Khandhavaggo

Khandhavaggo