2. Dutiyanatumhākaṃsuttaṃ
34. Sāvatthinidānaṃ
T3.43 .‘‘ Yaṃ , bhikkhave , na tumhākaṃ , taṃ pajahatha .
Taṃ vo pahīnaṃ hitāya sukhāya bhavissati .
Kiñca , bhikkhave , na tumhākaṃ ?
Rūpaṃ , bhikkhave , na tumhākaṃ , taṃ pajahatha .
Taṃ vo pahīnaṃ hitāya sukhāya bhavissati .
Vedanā na tumhākaṃ … saññā na tumhākaṃ … saṅkhārā na tumhākaṃ … viññāṇaṃ na tumhākaṃ , taṃ pajahatha .
Taṃ vo pahīnaṃ hitāya sukhāya bhavissati .
Yaṃ , bhikkhave , na tumhākaṃ taṃ pajahatha .
Taṃ vo pahīnaṃ hitāya sukhāya bhavissatī ’’ ti .
Dutiyaṃ .